16.04.2026 | 17:08
Ֆրանսիան ազատ է արձակել ռուսական «ստվերային նավատորմին» պատկանող լցանավը, որը կալանվել էր մարտին
Վաղուց է խոսվում, որ Սպերցյանը պատրաստ է Եվրոպա տեղափոխվելուն․ Ալեքսանդր Տոչիլին
17.12.2024 | 21:55
«Կրասնոդարի» կիսապաշտպան Էդուարդ Սպերցյանը պատրաստ է տեղափոխվել եվրոպական ակումբ և համարվում է ամենահրապուրիչ տրանսֆերային թեկնածուներից մեկը ռուսական շուկայում, Матч ТВ-ին ասել է «Սոչիի» նախկին գլխավոր մարզիչ Ալեքսանդր Տոչիլինը․ գրում է armsport-ը։
Ավելի վաղ Transfermarkt-ը թարմացրել էր ՌՊԼ-ի ֆուտբոլիստների տրանսֆերային արժեքները: Լիգայի առաջատարներն այս ցուցանիշով մնում են Էդուարդ Սպերցյանն ու «Զենիթի» կիսապաշտպան Վենդելը, որոնց արժեքը գնահատվում է 20 միլիոն եվրո:
— Ինձ համար անակնկալ չէ, որ Սպերցյանն ու Վենդելը ՌՊԼ-ի տրանսֆերային արժեքով առաջատարներն են։ Նրանք իրենց թիմերում վաղուց վճռորոշ դեր են խաղում։ Նույն «Զենիթում» Վենդելից շատ բան է կախված։ Եվ այն անհաջողությունները, որոնք հետապնդում են «Զենիթին», նույնպես կապված են Վենդելի հետ։ Կլաուդինյոն և Վենդելը կորցրել են հետաքրքրությունը մեր առաջնության նկատմամբ, դրա համար էլ նրանց խաղը անկայուն է։
Ինչ վերաբերում է Սպերցյանին, վաղուց է խոսվում, որ նա պատրաստ է Եվրոպա տեղափոխվելուն։ Իհարկե, «Կրասնոդարը» որպես թիմ ես ավելի շատ կգնահատեի։ Սակայն Կորդոբան ու Սպերցյանը թիմի հիմնական առաջատարներն են, և արդյունքը մեծապես կախված է նրանցից։ Այսպիսով, Սպերցյանը մեր շուկայի համար ամենահրապուրիչ թեկնածուներից մեկն է, — ասել է Տոչիլինը Матч ТВ-ին։
Ընթացիկ մրցաշրջանում 24-ամյա Սպերցյանը Ռուսաստանի առաջնության 18 խաղում խփել է 6 գոլ և կատարել 3 գոլային փոխանցում։ 27-ամյա Վենդելը 15 խաղում աչքի է ընկել 8 գոլային փոխանցմամբ և 1 գոլով:
