30.04.2026 | 16:58
Մերաբ Դվալիշվիլին հայտնել է՝ թե ինչու է հրաժարվել RAF-ում մենամարտել Արման Ծառուկյանի հետ
Առնվազն մեկ տարվա նախադպրոցական կրթությունը պետք է դառնա պարտադիր
Հասարակություն
17.12.2024 | 19:53
Պանելային քննարկմանը ԿԳՄՍ նախարարն անդրադարձել է նախադպրոցական կրթությանը՝ նշելով, որ այս համակարգը կրթական շղթայի ամենակարևոր օղակներից մեկն է.
«Ամբողջ աշխարհում նախադպրոցական կրթության զարգացման ուղղությամբ մեծ շեշտադրում է արվում, քանի որ բոլոր հետազոտությունները ցույց են տալիս՝ որքան վաղ ենք սկսում երեխայի կրթությունը, այնքան ավելի լավ արդյունքներ ենք գրանցում հետագա փուլերում: Կառավարության համար սա շատ կարևոր առաջնահերթություն է, որն ամրագրված է նաև ՀՀ կրթության զարգացման մինչև 2030 թվականի պետական ծրագրում: Ունենք շատ հավակնոտ նպատակ. 2030 թ. դրությամբ առնվազն մեկ տարվա նախադպրոցական կրթությունը պետք է դառնա պարտադիր: Սա նշանակում է՝ երեխաները մինչև առաջին դասարան գնալը պետք է առնվազն մեկ տարի ընդգրկված լինեն նախադպրոցական կրթության համակարգում: Շատ լուրջ խնդիրներ ունենք նաև մսուրի ծառայությունների զարգացման առումով: Սա թե՛ երեխաների կրթության, թե՛ կանանց տնտեսական հզորացման ու նրանց աշխատանքային հնարավորությունների ընդլայնմանն ուղղված քաղաքականություն է: Այժմ փորձարկում ենք նոր ծառայություններ, որոնք նախատեսված են 6 ամսականից 1 տարեկանների համար՝ այս պահին դեռևս ընտրված հաստատություններում»:
