20.04.2026 | 18:44
Երևանում և Հրազդանում թմրամիջոցի ապօրինի շրջանառության դեպքեր են բացահայտվել
ՌԴ Կրասնոդարի երկրամասում նավթի արտահոսքից հետո էկոլոգիական աղետ է սկսվել․ ՏԵՍԱՆՅՈՒԹ
Քաղաքականություն
17.12.2024 | 18:29
Կերչի նեղուցում ռուսական երկու լցանավերի խորտակման հետևանքով տասնյակ կիլոմետրերով ափամերձ գիծը ծածկվել է մազութով։ Տեղի բնակիչները հայտնում են մազութի ու լողափերում լցված նավթամթերքի հետքերի մեջ սատկած կենդանիների մասին։ Նավերը պետք է շահագործումից դուրս բերվեին դեռևս 10-15 տարի առաջ, իսկ դրանցից մեկն անգամ շահագործման համար անհրաժեշտ փաստաթղթեր չի ունեցել, գրում է The Moscow Times-ը։
Կրասնոդարի երկրամասի նահանգապետ Վենիամին Կոնդրատևը հայտնել է սկսված աղետի մասին։ Նա օգնություն է խնդրել իր դաշնային գործընկերներից և պարզաբանել, որ նավթի արտահոսքի հետևանքի դեմ պայքարելու համար ստեղծվել է երկու օպերատիվ շտաբ։
«Այսօր առավոտյան ափամերձ գոտու մոնիթորինգի ժամանակ մազութի հետքեր են հայտնաբերվել։ Նավթամթերքն ափ է մղվել Տեմրյուկի շրջանի Վեսելովկա գյուղից մինչև Անապայի Բլագովեշչենսկայա գյուղը մի քանի տասնյակ կիլոմետր հեռավորության վրա: Իմ հանձնարարականով երկու քաղաքապետարաններում շտապ տեղակայվել են օպերատիվ շտաբներ՝ քաղաքապետերի գլխավորությամբ։ Տեղում աշխատում է շտապօգնության 267 անձնակազմ՝ 50 միավոր տեխնիկայով: Անհրաժեշտության դեպքում մենք կավելացնենք ուժերի և ռեսուրսների քանակը»,- ասված է հայտարարության մեջ։
Ըստ SHOT-ի՝ ընդհանուր առմամբ Սև ծով է լցվել ավելի քան 4,2 հազար խորանարդ մետր մազութ։
Կրասնոդարի երկրամասի Տեմրյուկ և Անապա շրջաններում նավթի արտահոսքի հետևանքների պատճառով մունիցիպալ մակարդակով արտակարգ դրություն է մտցվել։
Թարգմանությունը՝ Տաթև Ֆռանգյանի
