23.06.2026 | 06:00
ԱԱ-2026. Նորվեգիան դուրս եկավ փլեյ-օֆֆ, Հոլանդը դարձյալ դուբլն գրանցեց. ՏԵՍԱՆՅՈՒԹ
Վաղը Երևանում կայանալիք հայ-հունական միջկառավարական համատեղ հանձնաժողովի նիստին արձանագրություն է ստորագրվելու
Քաղաքականություն
16.12.2024 | 18:22
Դեկտեմբերի 16-ին ՀՀ ԱԳ նախարարի տեղակալ Պարույր Հովհաննիսյանն ընդունել է Հունաստանի ԱԳ փոխնախարար՝ Հայաստանի և Հունաստանի միջև տնտեսական, արդյունաբերական և գիտատեխնիկական համագործակցության միջկառավարական հանձնաժողովի միջկառավարական հանձնաժողովի համանախագահ Կոնստանտինոս Ֆրագկոյանիսի գլխավորած պատվիրակությանը:
«Ողջունելով հյուրերին նախարարի տեղակալը գոհունակությամբ նշել է, որ օբյեկտիվ պատճառներով պայմանավորված որոշակի դադարից հետո վաղը՝ դեկտեմբերի 17-ին, Երևանում գումարվելու է հայ-հունական տնտեսական, արդյունաբերական և գիտատեխնիկական համագործակցության միջկառավարական համատեղ հանձնաժողովի 6-րդ նիստը։ Պարույր Հովհաննիսյանը նշել է, որ երկու բարեկամ երկրների կառավարությունները քաղաքական անհրաժեշտ կամք և հետևողականություն են դրսևորում զարգացնելու միջպետական հարաբերություններն ամենատարբեր ոլորտներում»,- ասված է ՀՀ ԱԳՆ-ի տարածած հաղորդագրությունում։
Զրուցակիցներն արձանագրել են, որ առցանց և դեմ առ դեմ հանդիպումների ընթացքում երկու կողմերի պատվիրակությունների միջև կայացել են աշխատանքային կառուցողական քննարկումներ, որոնց արդյունքում ձևավորվել է համատեղ արձանագրություն, որը նախատեսվում է ստորագրել վաղը կայանալիք համատեղ նիստի ավարտին, ինչը, վստահաբար, նոր հնարավորություններ կբացի երկու երկրների համապարփակ և բարձր մակարդակի հարաբերություններում՝ միաժամանակ դառնալով տնտեսական կարևոր հարթակ հայ-հունական գործարար կապերի ընդլայնման և ամրապնդման համար։
Կողմերը երկուստեք գոհունակություն են հայտնել փոխադարձ հարգանքի ու վստահության վրա կառուցված Հայաստան-Հունաստան ջերմ և վստահելի հարաբերությունների ներկայիս մակարդակից՝ շեշտելով փոխադարձ հետաքրքրություն ներկայացնող ոլորտներում համագործակցության ընդլայնումը և առկա ներուժն ամբողջապես իրացնելու ուղղությամբ համատեղ ջանքերի գործադրումը: Անդրադարձ է կատարվել նաև ինչպես երկկողմ, այնպես էլ բազմակողմ համագործակցությանը:
