16.07.2026 | 15:55
Վանաձորի նախկին համայնապետ Մամիկոն Ասլանյանի վերաբերյալ նոր գործ է ուղարկվել Հակակոռուպցիոն դատարան
50 մլն դրամ գրավով Արթուր Ասատրյանը՝ Դոն Պիպոն, ազատ արձակվեց
Հասարակություն
20.09.2018 | 21:13
Արթուր Ասատրյանին, որ առավել հայտնի է Դոն Պիպո մականվամբ, դատարանն ազատ է արձակել 50 մլն դրամ գրավի դիմաց։ Այս մասին Factor.am-ի հետ զրույցում ասաց Ասատրյանի փաստաբան Գեղամ Հակոբյանը։
«Երևանի ընդհանուր իրավասության դատարանը բավարարեց Արթուր Ասատրյանի փաստաբանների միջնորդությունը և վերջինս ազատ արձակվեց գրավի կիրառմամբ։ Նա արդեն դուրս է եկել մեկուսարանից, իսկ հարուցված գործի նախաքննությունը շարունակվում է»,- ասաց պաշտպանը։
Հիշեցնենք՝ Ասատրյանը մեղադրվում է ՀՀ քրեական օրենսգրքի 131-րդ հոդվածի 1-ին, 2-րդ, 3-րդ և 6-րդ կետերով (մի խումբ անձանց կողմից նախնական համաձայնությամբ, առողջության համար վտանգավոր բռնություն գործադրելով, զենքի կամ որպես զենք օգտագործվող առարկաների գործադրմամբ, երեք անձի առևանգումը) և 235-րդ հոդվածի 2-րդ մասով (մի խումբ անձանց կողմից նախնական համաձայնությամբ հրազեն և ռազմամթերք ապօրինի կերպով ձեռք բերելը և պահելը)։
