20.12.2025 | 20:00
100,000 ռուբլի՝ ՀՀ-ում լրտեսության համար․ ՌԴ քաղաքացիները Հայաստանում տվյալներ են հավաքել․ ՏԵՍԱՆՅՈՒԹ
Չեմ կարծում, որ Սերժ Սարգսյանի օրոք եղել եմ արտոնյալ. Միհրան Պողոսյան. ՏԵՍԱՆՅՈՒԹ
Քաղաքականություն
20.09.2018 | 19:23
Ազգային ժողովի պատգամավոր Միհրան Պողոսյանը ողջունում է իրավապահ մարմինների կողմից իրականացվող ստուգումները, անգամ պատրաստ է իր հետ կապված ցանկացած ինֆորմացիա տրամադրել իրավապահներին։ Այս մասին այսօր խորհրդարանի 100-ամյա հոբելյանին նվիրված միջոցառման ժամանակ ասաց պատգամավորը։
«Ինձ հետ կապված միջոցառումներ էլ տարբեր իրավական խնդիրների հետ եղել են և՛ նախկին, և՛ ներկա իշխանությունների օրոք, այնպես որ, ես ՀՀ-ի այն քաղաքացին եմ, որ միշտ էլ ունեցել է նման խնդիրներ։ 2016-2018 թթ. նմանատիպ միջոցառումներ են անցկացվել ինձ հետ կապ ունեցող բարեկամների մոտ։ Այնպես որ, ես բաց եմ և պատրաստ եմ ցանկացած հարց, որը կառաջադրի օրենքը, պարզաբանել»,- ասաց Միհրան Պողոսյանը՝ չկիսելով նաև տեսակետը, որ ինքը նախորդ իշխանության ժամանակ եղել է արտոնյալ։
«Չեմ կարծում, որ Սերժ Սարգսյանի օրոք եղել եմ արտոնյալ»,- ասաց նա՝ հիշեցնելով իր բարեկամներին պատկանող ընկերություններում հարկային ստուգումների անցկացումը հենց Սերժ Սարգսյանի օրոք։
Անդրադառնալով ներքաղաքական վերջին զարգացումներին և մասնավորապես խորհրդարանի ինքնալուծարմանը, Միհրան Պողոսյանը նկատեց, որ խորհրդարանի ինքնալուծարման հիքմերը պետք է քննարկի ԱԺ-ն, որից հետո վստահ է, որ հանգուցալուծում կստանա այդ հարցը։
Մանրամասները՝ տեսանյութում։
