26.06.2026 | 04:58
ԱԱ-2026. Նիդերլանդներն ու Ճապոնիան դուրս եկան փլեյ-օֆֆ. ՏԵՍԱՆՅՈՒԹ
Վերահաստատվել է ԱՄՆ թմրամիջոցների դեմ պայքարի վարչակազմի հետ համագործակցությունը, նախանշվել են ընդլայնման նոր ուղղությունները
Հասարակություն
12.12.2024 | 11:25
ՆԳՆ Ոստիկանության Քրեական ոստիկանության գլխավոր վարչության պետ-ոստիկանության պետի տեղակալ Վարդան Վարդանյանը դեկտեմբերի 11-ին հանդիպում է ունեցել ԱՄՆ Թմրամիջոցների դեմ պայքարի վարչակազմի տարածաշրջանային կցորդ Իմեդա Ցիցաշվիլու գլխավորած պատվիրակության հետ․ տեղեկացնում են ՆԳՆ ոստիկանությունից։
«Իմեդա Ցիցիաշվիլին գոհունակություն է հայտնել համագործակցության ամրապնդման ու ընդլայնման համար, ինչի մասին փաստում է նաև փոխգործակցության հուշագիրը։ Նա առավել ընդլայնված և շարունակական համագործակցության պատրաստակամություն է հայտնել։
Քննարկվել են թմրամիջոցների ապօրինի շրջանառության դեպքերի բացահայտման, մասնագիտական գիտելիքների և հմտությունների կատարելագործման, նյութատեխնիկական բազայի հզորացման ուղղությամբ հարցեր»,- ասված է հաղորդագրությունում։
Նշվում է, որ վերահաստատվել է ՆԳ նախարարության և ԱՄՆ Թմրամիջոցների դեմ պայքարի վարչակազմի միջև ընդլայնված փոխգործակցությունը, նախանշվել են ընդլայնման նոր ուղղություններն ու հնարավորությունները։
