14.09.2026 | 23:23
Պապիկյանի գլխավորած պատվիրակությունն աշխատանքային այցով մեկնել է Չինաստան
Factor TV-ի լրագրողը գլխավոր մրցանակ ստացավ «Հոդված 3․ լրագրողները՝ հանուն իրավունքների» մրցույթում. ՏԵՍԱՆՅՈՒԹ
Հասարակություն
10.12.2024 | 19:36
«ՀՈԴՎԱԾ 3․ լրագրողները՝ հանուն իրավունքների» լրագրողական ամենամյա մրցանակաբաշխությունում Factor TV-ի լրագրող Ռոզա Վարդանյանն արժանացել է գլխավոր մրցանակի։
Մրցանակը տրվել է «Լավագույն տեսալսողական նյութ/տեսահոլովակ» անվանակարգում։
Մրցույթին Factor TV-ի լրագրողը ներկայացրել էր «4 տարի բանտում՝ չկատարած սպանության համար. սխալ արդարադատության պատճառով ՀՀ-ն 300 մլն է փոխհատուցել» և «Սպանել էին, լողացրել դին՝ փորձելով կոծկել գործը. ուր են կորչում և ովքեր են փչացնում իրեղեն ապացույցները» տեսանյութերը։
Դեկտեմբերի 10-ը նշվում է որպես մարդու իրավունքների պաշտպանության օր։ Արդեն երրորդ տարին անընդմեջ «Հոդված 3» ակումբը նախաձեռնում է այս մրցանակաբաշխությունը, որի հիմնական նպատակը մարդու իրավունքների լուսաբանման խթանումն է, մարդու իրավունքների թեմաներով հոդվածների բովանդակության որակի բարձրացումն ու խնդիրների վերհանման զգայուն և ճիշտ մոտեցումների արմատավորումը։
«Լավագույն ռադիո հաղորդում» և «Տպագիր կամ առցանց հոդված» անվանակարգերում գլխավոր մրցանակ ստացան «Ազատություն ռադիոկայանն» ու «Ինֆոքոմը»։ Մրցանակաբաշխության ընթացքում տրվեցին նաև հատուկ մրցանակներ։
