24.06.2026 | 09:52
Ձերբակալվել է Ավետիք Չալաբյանը
Թբիլիսիում բողոքի ակցիայի մասնակիցները սպառնալից զանգեր են ստանում
Քաղաքականություն
09.12.2024 | 16:46
Վրաստանի իշխող «Վրացական երազանք» կուսակցության դեմ ցույցերին մասնակցած քաղաքացիները սոցցանցերի միջոցով հայտնում են, որ իրենց զանգահարում են անհայտ անձինք և սպառնում։ Նման զանգեր է ստացել վերջին օրերին Թբիլիսիում ակցիաներ կազմակերպող «Դայտով» խմբի հիմնադիրներից Իլյա Գլոնտին։
«Ասացին, որ կոտրված ոսկորներով ինձ տուն կբերեն»,- հայտնել է Գլոնտին։
Նման սպառնալիքներ է ստացել նաև բողոքի ակցիաների մեկ այլ ակտիվ մասնակից՝ «Հանուն փոփոխությունների» կոալիցիայի անդամ Վանո Գոմուրաշվիլին։
«Ինձ զանգահարեցին ու հարցրին՝ որտե՞ղ ես։ Հետո սկսեցին վիրավորել, ասացին, որ անպայման կգտնեն ու կծեծեն, հետո անջատեցին հեռախոսը»,- «Ազատություն» ռադիոկայանի վրացական ծառայությանն ասել է Գոմուրաշվիլին։
Մթավարի հեռուստաալիքի լրագրող Էկա Կվեսիտաձեին նույնպես զանգահարել են անհայտ հեռախոսահամարներից, սակայն նա որոշել է չպատասխանել անհայտ համարներից հեռախոսազանգերին, գրում է Գրուզիա օնլայնը։
Նշենք, որ նման իրավիճակ է եղել նաև 2024 թվականի մայիսին, երբ հազարավոր մարդիկ փողոցներում բողոքի ցույց էին կազմակերպել ընդդեմ «օտարերկրյա գործակալների մասին» օրենքի։
Թարգմանությունը՝ Տաթև Ֆռանգյանի
