23.06.2026 | 06:00
ԱԱ-2026. Նորվեգիան դուրս եկավ փլեյ-օֆֆ, Հոլանդը դարձյալ դուբլն գրանցեց. ՏԵՍԱՆՅՈՒԹ
Իսրայելական բանակը կարող է հարվածել Եմենին․ Kan
Քաղաքականություն
09.12.2024 | 21:44
Իսրայելի ռազմաքաղաքական ղեկավարությունն ուսումնասիրում է Եմենի տարածքին հարված հասցնելու տարբերակը, որն «ավելի ցավալի ազդանշան» կհղի, քան Իսրայելի ռազմաօդային ուժերի նախորդ հարվածները։ Kan պետական հեռուստառադիոկայանին այս մասին ասել է Իսրայելի անանուն բարձրաստիճան պաշտոնյան։
Նշվում է, որ հնարավոր հարվածը կլինի հրեական պետության պատասխանը Եմենի մի մասը վերահսկող հութիների «Անսար Ալլահ» շարժման՝ Իսրայելի տարածքը հրետակոծելու շարունակական փորձերին։ Վերջին երկու օրվա ընթացքում Եմենից երկու բալիստիկ հրթիռ է արձակվել Իսրայելի ուղղությամբ։
Գազայի հատվածում հակամարտության սրացումից հետո «Անսար Ալլահը» հայտարարել է Իսրայելի ուղղությամբ կրակ արձակելու և նրա հետ կապված նավերն արգելափակելու մտադրության մասին, ներառյալ՝ Կարմիր ծովի ջրերում և Բաբ էլ-Մանդեբ նեղուցում: Ի պատասխան այս սպառնալիքների՝ իսրայելական բանակը երկու անգամ օդային հարվածներ է հասցրել Եմենին՝ հուլիսին և սեպտեմբերին։
Թարգմանությունը՝ Տաթև Ֆռանգյանի
