10.08.2026 | 21:34
Գյումրիի տներից մեկում հրդեհ է բռնկվել
Ֆրանսիան ողջունել է Բաշար ալ-Ասադի և նրա վարչակազմի տապալումը
Քաղաքականություն
08.12.2024 | 18:32
Սիրիայի և սիրիացի ժողովրդի համար այս պատմական օրը Ֆրանսիան ողջունում է Բաշար ալ-Ասադի և նրա վարչակազմի տապալումը 2024 թվականի դեկտեմբերի 8-ին՝ սեփական ժողովրդի նկատմամբ ավելի քան 13 տարվա ծայրահեղ դաժան բռնաճնշումներից հետո․ հայտարարել է Ֆրանսիայի ԱԳՆ-ն։
«Սիրիացիները չափազանց շատ են տուժել. Բաշար ալ-Ասադն իր հետևից թողնում է մի երկիր, որը արյունահոսել է, դատարկվել է իր բնակչության մեծ մասից, որը, եթե ստիպողաբար չի աքսորվել է, ապա կոտորվել, խոշտանգվել և քիմիական զենքով ռմբակոծվել է ռեժիմի և նրա դաշնակիցների կողմից: Ֆրանսիան հարգանքի տուրք է մատուցում բոլոր զոհերին:
Ֆրանսիան կոչ է անում լռեցնել զենքերի ձայնը, պահպանել ժողովրդավարական ինստիտուտները, հարգել Սիրիայի ինքնիշխանությունն ու տարածքային ամբողջականությունը։ Կոչ ենք անում խաղաղ քաղաքական անցում կատարել, որը հարգում է սիրիական ժողովրդի բազմազանությունը և պաշտպանում է խաղաղ բնակիչներին և բոլոր փոքրամասնություններին՝ համաձայն միջազգային իրավունքի: Կոչ ենք անում բոլոր սիրիացիներին միավորվել, հաշտվել և մերժել ծայրահեղականության բոլոր ձևերը:
Հաստատակամ լինելով 2011 թվականի հեղափոխության մեկնարկից ի վեր իր դիրքորոշման և սիրիացի ժողովրդի հետ իր համերաշխության մեջ՝ Ֆրանսիան այժմ հրավիրում է իր գործընկերներին ամեն ինչ անել՝ օգնելու սիրիացիներին գտնել հաշտեցման և վերակառուցման ճանապարհը՝ ներառական քաղաքական լուծման միջոցով, ՄԱԿ-ի Անվտանգության խորհրդի 2254 բանաձևի և սիրիացի ժողովրդի կամքի համաձայն: Ֆրանսիան այս հարցում իր ամբողջական դերն է ունենալու»,- նշված է հաղորդագրությունում։
