14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Աբխազիայի իշխանությունները հայտնել են, որ ՌԴ-ն արգելել է երկրից մանդարինի ներկրումը
Քաղաքականություն
06.12.2024 | 23:30
Աբխազիայի վարչապետի պաշտոնակատար Վալերի Բգանբան հայտարարել է, որ Ռուսաստանն արգելել է Աբխազիայից մանդարինի ներկրումը՝ հղում անելով սանիտարական ծառայությունների որոշմանը։ Միաժամանակ, նրա խոսքով, Աբխազիայի սանիտարական ծառայությունները հերքում են պտղի մեջ ինչ-որ վնասակար միջատների առկայությունը։ Նա կարծում է, որ ներմուծումը դադարեցվել է քաղաքական դրդապատճառներով:
«Սովորաբար այդ միջատը հայտնաբերում են ռուսական կողմում Աբխազիայում արտահերթ ընտրությունների նախաշեմին։ Ցավոք, այս միջոցը կազդի բնակչության ամենաաղքատ խավի վրա, ովքեր ապրում են իրենց բերքի շնորհիվ»,- ասել է նա «Ինտերֆաքս»-ին:
Նոյեմբերի կեսերին Աբխազիայում բողոքի ցույցեր տեղի ունեցան՝ Ռուսաստանի հետ ներդրումային համաձայնագիրը վավերացնելու պատգամավորների պլանների ֆոնին։ Ցուցարարների պահանջով հրաժարական է տվել չճանաչված երկրի ղեկավար Ասլան Բժանիան։ Նոր ընտրությունները տեղի կունենան փետրվարին։
Դեկտեմբերի 3-ին խորհրդարանի մեծամասնությունը դեմ է քվեարկել Ռուսաստանի հետ պայմանագրի վավերացմանը։
Թարգմանությունը՝ Տաթև Ֆռանգյանի
