22.06.2026 | 16:24
ՍԴ-ն փաստաթղթեր է պահանջել մի շարք պետական մարմիններից․ ՔՊ-ն որպես 3-րդ անձ է ներգրավվել
Աբխազիայի ֆիննախը հայտարարել է պետական աշխատողների աշխատավարձերի համար միջոցների բացակայության մասին
Քաղաքականություն
06.12.2024 | 23:00
Աբխազիայում միջոցներ չկան պետական հատվածի աշխատակիցներին, այդ թվում՝ իրավապահներին աշխատավարձ վճարելու համար, ասել է չճանաչված հանրապետության ֆինանսների նախարարի պաշտոնակատար Վլադիմիր Դելբան, գրում է Կոմերսանտը։
Նրա խոսքով՝ այդ աշխատակիցները մնում են առանց ֆինանսավորման թե՛ աշխատավարձի, թե՛ այլ պարտադիր ծախսերի համար։
«Մինչ օրս հանրապետական բյուջեից աշխատավարձ չի վճարվել պետական հատվածի որևէ աշխատողի։ Ընդհանրապես չի վճարվել։ Առաջին հերթին, իհարկե, ուշադրություն եմ հրավիրում անվտանգության բլոկի, իրավապահ մարմինների վրա»,- ասել է Դելբան։
Ըստ պաշտոնյայի՝ երկրի պետբյուջեի բոլոր միջոցներն ուղղվում են Ռուսաստանից էլեկտրաէներգիայի ձեռքբերմանը։ Նա ընդգծել է, որ քանի դեռ շարունակվում է էլեկտրաէներգիայի ձեռքբերման համար միջոցների որոնումը, պետական հատվածի աշխատողները մնալու են առանց աշխատավարձի։
Սեպտեմբերի 1-ից Ռուսաստանը դադարեցրել է սոցիալական վճարումները աբխազ բժիշկներին, ուսուցիչներին և իրավապահներին։ Աբխազիայի արտգործնախարար Սերգեյ Շամբան ասել է, որ դա տեղի է ունեցել Ռուսաստանի հանդեպ պարտավորությունները չկատարելու պատճառով։
Թարգմանությունը՝ Տաթև Ֆռանգյանի
