07.03.2026 | 22:11
Նոր նշանակումներ՝ մարմնամարզության Հայաստանի հավաքականներում
Արագածոտնի մարզպետ Գաբրիել Գյոզալյանն ազատվեց պաշտոնից
13.07.2017 | 11:10
ՀՀ Արգածոտնի մարզպետ Գաբրիել Գյոզալյանը Կառավարության որոշմամբ ազատվեց պաշտոնից՝ սեփական դիմումի համաձայն: Այս մասին այսօր Կառավարության նիստի ընթացքում տեղեկացրեց ՀՀ տարածքային կառավարման և զարգացման փոխնախարար Վաչե Տերտերյանը:
Հիշեցնենք՝ Հայ Յեղափոխական Դաշնակցություն (ՀՅԴ) կուսակցության անդամ Գաբրիել Գյոզալյանը Արագածոտնի մարզպետի պաշտոնը ստանձնել էր 2016 թվականի մարտից՝ Դաշնակցության և իշխող Հանրապետական կուսակցության (ՀՀԿ) միջև ստորագրված քաղաքական համագործակցության մասին համաձայնագրից հետո: Այդ համաձայնագրի շրջանակում երեք դաշնակցականներ՝ Արծվիկ Մինասյանը,Դավիթ Լոքյանն ու Լևոն Մկրտչյանը ստացան նախարարական պորտֆելներ, իսկ երկուսը՝ Հովսեփ Սիմոնյանն ու Գագիկ Գյոզալյանը, ստանձնեցին Շիրակի և Արագածոտնի մարզպետների պաշտոնները: Ավելի վաղ, մարզպետի պաշտոնից ազատվել էր նաև Հովսեփ Սիմոնյանը, որին փոխարինել էր մեկ այլ Դաշնակցական՝ Տարածքային կառավարման և զարգացման նախարարի տեղակալ Արթուր Խաչատրյանը:
Նշենք, որ Դաշնակցական երկու արդեն նախկին մարզպետները պաշտոնից ազատվելու որևէ հիմնավորում չեն ներկայացրել: Գաբրիել Գյոզալյանը միայն շատ հակիրճ նշել էր. «Հոգնել եմ»:
Շողիկ Գալստյան
