07.09.2026 | 23:24
Հայկական պտուղ-բանջարեղենի արտահանումը ԱՄԷ․ Պապոյանը քննարկել է ծավալների ավելացումը
«Սպայկա»-ն նվեր ստացած հողի վրա 88 մլն ԱՄՆ դոլարի ներդրումով ջերմոց կկառուցի․ Կառավարությունը նախագիծը հաստատեց պայմանով. ՏԵՍԱՆՅՈՒԹ
Տնտեսություն
20.09.2018 | 11:40
Կառավարության սեպտեմբերի 20-ի նիստում գործադիրը հավանություն տվեց «Արմսանպրոդակտ» սահմանափակ պատասխանատվությամբ ընկերության կողմից իրականացվող Նորագավիթ թաղամասին հարող տարածքում 60 հեկտար կիսափակ ջերմոցային համալիրի կառուցման ներդրումային ծրագրի ֆինանսավորման և ջերմոցային համալիրի մատակարարման ժամկետների, ինչպես նաև ընկերության ներդրումային ծրագրի իրականացման համար անհրաժեշտ «Երևան ՋԷԿ» ՓԲԸ-ի միջոցով էլեկտրաէներգիայի մատակարարմամբ պայմանավորված ներդրումային ծրագրի ինժեներատեխնիկական առաջարկում համապատասխան փոփոխություններ կատարելու մասին որոշման նախագծին։
Նախատեսվող փոփոխությամբ՝ 88 մլն ԱՄՆ դոլարին համարժեք դրամի ներդրումների հաշվին մինչև 2020 թվականը ամայացած 60 հա հողամասի վրա կկառուցվի կիսափակ ջերմատնային համալիր, որը հնարավորություն կտա ստեղծելու ավելի քան 700 մշտական աշխատատեղ, կընդլայնվի ջերմոցային արտադրանքի արտադրության և արտահանման ծավալները։
Ծրագիրն իրականացնող «Սպայկա» ՍՊԸ-ն Երևանի Նորագավիթ թաղամասին հարող տարածքում 50 հեկտար մակերեսով կիսափակ ջերմոցային համալիրի ու բորբոսով պանրի գործարանի կառուցման ներդրումային ծրագրի շրջանակներում հաշվի առնելով էներգակիրների հասանելիության սահմանափակումները վերանայել է ծրագրի տեխնիկական լուծումները և մատակարար ընկերության հետ համաձայնեցրել ՀՀ կառավարության վերը նշված որոշման մեջ նախատեսված ներդրումների չափին համապատասխան տեխնիկական լուծումներ:
Ներդրումային ծրագրի հետ կապված կառավարության անդամները հնչեցրին մտահոգություններ, որ հնարավոր է Երևան ՋԷԿ-ը չկարողանա ընկերությանը տրամադրել համապատասխան էներգիա, հետևաբար հստակեցնել է պետք՝ արդյոք ներդրումներ արվելու են, որպեսզի սխալ եզրակացությունների չգան։
Փոխվարչապետ ՄՀեր Գրիգորյանն էլ առաջարկեց ներդրումային ծրագիրը հաստատել, իսկ եթե 88 մլն ԱՄՆ դոլարի ներդրումը չկատարի տվյալ ընկերությունը, ապա նվիրաբերված հողատարածքը պետք է ետ վերադարձնի։
Նշենք, որ հողը նվիրաբերել է Նորագավիթ համայնքը։
Մանրամասները՝ տեսանյութում
