07.08.2026 | 23:37
Անձրև, ամպրոպ և ջերմաստիճանի նվազում. առաջիկա օրերի եղանակի կանխատեսումը
Քաղաքացին մոլորվել է Սևաբերդ գյուղից դեպի Ակնալիճ տանող լեռնային հատվածում.ԱԻՆ
20.09.2018 | 10:37
Սեպտեմբերի 19-ին, ժամը 21:10-ին «911» ծառայությանն ահազանգ է ստացվել, որ Բրազիլիայի Դաշնային Հանրապետության քաղաքացին մոլորվել է Կոտայքի մարզի Սևաբերդ գյուղից դեպի Ակնալիճ տանող լեռնային հատվածում. անհրաժեշտ է փրկարարների օգնությունը:
Դեպքի վայր է մեկնել ՀՀ ԱԻՆ ՓԾ հատուկ նշանակության փրկարարական աշխատանքների իրականացման կենտրոնի փրկարարական ջոկատը:
Ժամը 21:20-ին կապ է հաստատվել մոլորված քաղաքացի Քերն Թամիրիսի (1994 թ.) հետ և ճշտվել GPS կոորդինատները:
Ժամը 00:08-ին կրկին կապ է հաստատվել մոլորվածի հետ, ով հայտնել է, որ հանդիպել է 2 որսորդի, ովքեր իրեն տեղափոխում են Սևաբերդ գյուղ:
Փրկարարները Սևաբերդ գյուղում հանդիպել են մոլորված քաղաքացուն և տեղափոխել ՀՆՓԱԻ կենտրոն:
