17.07.2026 | 23:30
ԲԸՏՄ-ում քննարկվել են COP17-ի նախապատրաստական աշխատանքներն ու տեսչության մասնակցությունը
Երևանի մասնակցությունը Հռոմի ստատուտին ուղիղ վնաս է հասցնում հայ-ռուսական հարաբերություններին․ ՏԵՍԱՆՅՈՒԹ
Քաղաքականություն
04.12.2024 | 15:58
Երևանի մասնակցությունը Հռոմի ստատուտին ուղղակի վնաս է հասցնում հայ-ռուսական հարաբերություններին։ Այս մասին իր ամենշաբաթյա ճեպազրույցի ժամանակ հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։
«Երևանի մասնակցությունը, այսպես կոչված, Հռոմի ստատուտին Հաագայում մի շարք ռուս պաշտոնյաների նկատմամբ տրված քվազի-կալանքի օրդերների ֆոնին ուղիղ վնաս է հասցնում հայ-ռուսական հարաբերություններին ոչ միայն սիմվոլիկ առումով, այլ նաև միանգամայն գործնականում»,- ասել է Զախարովան։
Նրա խոսքով՝ Երևանին հայտնի է այս հարցի վերաբերյալ ՌԴ դիրքորոշումը։
Հիշեցնենք, որ ՀՀ արտաքին գործերի նախարար Արարատ Միրզոյանը դեկտեմբերի 2-ին Հաագայում հայտարարել էր, որ Հայաստանը պատրաստ է համագործակցել Միջազգային քրեական դատարանի հետ՝ միջազգային իրավական նորմերը պահպանելու և օրենքի գերակայությունն ապահովելու համար։
Մանրամասները՝ տեսանյութում։
