08.10.2026 | 21:20
Վարչապետն ԱՊՀ պետությունների ղեկավարների հետ այցելել է ազգային մշակույթի և ուտեստների փառատոն
Գերմանիայի ԱԳ նախարարը հնարավոր է համարել զինադադարից հետո Ուկրաինա խաղաղապահներ ուղարկելը
Քաղաքականություն
04.12.2024 | 16:47
Գերմանիայի արտաքին գործերի նախարար Անալենա Բերբոքը հայտարարել է, որ ՆԱՏՕ-ին անդամակցելուց բացի՝ Ուկրաինան կարող է անվտանգության այլ երաշխիքներ ստանալ, այդ թվում՝ հրադադարից հետո երկրում արևմտյան խաղաղապահ ուժերի ներկայությունը։ Խուսափելով հստակությունից՝ Բերբոքը նշել է, որ եվրոպական երկրները, այդ թվում՝ Գերմանիան, պետք է ապահովեն խաղաղությունը, փոխանցում է Der Spiegel-ը։
Բրյուսելում ՆԱՏՕ-ի ԱԳ նախարարների հանդիպումից առաջ գերմանացի պաշտոնյան ասել է, որ Ուկրաինայում հրադադարից հետո կարող է «միջազգային ներկայության» անհրաժեշտություն լինել:
«Միայն մենք՝ եվրոպացիներս, կարող ենք միասին պաշտպանել աշխարհը։ Գերմանական կողմը կանի ամեն ինչ՝ աջակցելու այն ամենին, ինչը կնպաստի ապագայում խաղաղությանը»,- հավելել է նախարարը։
Հիշեցնենք, որ ԱՄՆ նորընտիր նախագահ Դոնալդ Թրամփի թիմի կողմից դիտարկված Ուկրաինայում ռազմական գործողությունների դադարեցման վերաբերյալ ԶԼՄ-ներում հրապարակված տարբերակներից էր 1287 կիլոմետրանոց ապառազմականացված գոտի ստեղծելու գաղափարը։
Թարգմանությունը՝ Տաթև Ֆռանգյանի
