05.08.2026 | 18:34
ԱՄՆ-ում Ուկրաինայի նախկին դեսպանին նոր կասկածի մասին ծանուցում է ուղարկվել
Դա գործադուլ չէր, այլ աշխատանքների դադարեցում․ Արհմիությունների կոնֆեդերացիայի նախագահ. ՏԵՍԱՆՅՈՒԹ
Հասարակություն
04.12.2024 | 13:38
«Դա գործադուլ չէր, դա պարզապես աշխատանքների դադարեցում էր»,- « Երևանի հասարակական տրանսպորտի ճգնաժամն ու վարորդների գործադուլը» թեմայով քննարկման ժամանակ նշեց Արհմիությունների կոնֆեդերացիայի նախագահ Էլեն Մանասերյանը՝ անդրադառնալով երեկ ավտոբուսի վարորդների կողմից երթուղի դուրս գալուց հրաժարվելուն։
Աշխատանքային իրավունքների պաշտպանը շեշտեց, որ թեև գործադուլը Սահմանադրական իրավունք է, մարդու իրավունքների համընդհանուր հռչակագրով ու միջազգային իրավափաստաթղթերով ընդունված, և ցանկացած աշխատող, կոլեկտիվ, իրենց աշխատանքային, սոցիալ տնտեսական իրավունքներն ու շահերը պաշտպանելու նպատակով ունեն գործադուլ կազմակերպելու և իրականացնելու իրավունք, այնուամենայնիվ, այս իրավունքի իրացման ճանապարհը, մեթոդները, մեխանիզմները նախատեսված են ՀՀ աշխատանքային օրենսգրքով։
«Եվ աշխատանքային օրենսգրքի մի ամբողջ գլուխ նվիրված է հենց կոլեկտիվ աշխատանքային հարաբերություններում ծագած վեճերի լուծման ընթացակարգերին։ Այսինքն, ամբողջը պետք էր իրականացնել այդ ընթացակարգերի հիման վրա։ Դրա համար գործադուլ որակել չենք կարող։ Ցավոք, սա անօրինական գործողություն է, ինչքան էլ համաձայն լինեմ վարորդների ներկայացրած պահանջներին ու բարձրաձայնած խնդիրներին»,- ասաց Արհմիությունների կոնֆեդերացիայի նախագահը։
Մանրամասները՝ տեսանյութում։
