03.06.2026 | 00:40
Փաշինյանը Էրդողանի հետ քննարկել է Ախալքալաք–Կարս երկաթուղով Հայաստանից արտահանումների հարցը
Այն, որ «Բայրաքթար»-ն այդքան հաջողակ էր, հայկական կողմի բացթողումների հետևանքն է․ Լեոնիդ Ներսիսյան․ ՏԵՍԱՆՅՈՒԹ
Քաղաքականություն
04.12.2024 | 18:30
Նրանք, ովքեր ցանկանում էին պատերազմել Սիրիայում, վաղուց արդեն զոհվել են, և ներկա բախումների մասնակիցները քիչ մոտիվացիա ունեն։ Առանց արտաքին, առաջին հերթին՝ իրանական աջակցության, սիրիական կառավարությունը վաղուց արդեն կարող էր կորցնել նույնիսկ Դամասկոսը։ Factor TV-ի հետ զրույցում նման տեսակետ է հայտնում APRI Armenia-ի ավագ գիտաշխատող, ռազմական փորձագետ Լեոնիդ Ներսիսյանը։
Անդրադառնալով հարցին՝ ինչպե՞ս ապստամբներին հաջողվեց այդքան հեշտությամբ գրավել Հալեպը, փորձագետը նշում է, որ պատճառը սիրիական կառավարական բանակի կոլապսն է, և նման փլուզվող բանակներ մենք նախկինում էլ տեսել ենք, օրինակ՝ Իրաքում կամ Աֆղանստանում։
Նա հավելում է՝ ապստամբները սպառնալիք են ստեղծում նաև Սիրիայում ռուսական ռազմական ներկայության համար։
Խոսելով Հայաստանի ռազմական բյուջեի աճի մասին՝ Ներսիսյանը նշում է, որ կարևոր է ոչ միայն ռազմական բյուջեի ավելացումը, այլև ֆինանսական միջոցները ճիշտ ծախսելը։ Առանց պաշտպանական ոլորտի բարեփոխումների, որոնք առայժմ դանդաղ տեմպերով են առաջ գնում, միայն բյուջեի աճը քիչ բան կտա։
Հայաստանի ՊՆ-ում ֆրանսիական ռազմական ներկայացուցչի ներկայությունը Ներսիսյանը կարևոր քայլ է համարում, սակայն հավելում է, որ հարկավոր է աշխատել նրա լիազորությունների ընդլայնման ուղղությամբ։
Հարցազրույցն ամբողջությամբ՝ տեսանյութում։
Սամվել Մելիքսեթյան
