Սասունցի Դավթի ասած՝ մի հատ ձեզ թափ տվեք ու տեսեք, թե ձեր ամեն մի կտորը որտեղ է ընկնելու, էդ դո՞ւք եք որոշողը՝ վարչապետ ընտրվելու է, թե ՝ոչ․ Նիկոլ Փաշինյան․ ՏԵՍԱՆՅՈՒԹ

Վարչապետ Նիկոլ Փաշինյանն այսօր «Իմ քայլը» դաշինքի հանրահավաքի ժամանակ անդրադարձավ Ազգային ժողովի ինքալուծարման վերաբերյալ վերջին օրերին հնչող քննադատություններին և հիշեցրեց․

«Հիշո՞ւմ եք, երբ Հանրապետական կուսակցությունը մայիսի 2-ին դեմ քվեարկեց իմ վարչապետությանը, ես այս ամբիոնից ասացի, որ ՀՀԿ-ն  ինքնասպանություն է գործել։ Հիմա որոշ գործիչներ սկսել են հայտարարություններ անել, թե նպատակահարմար չեն գտնում գնալ արտահերթ ընտրությունների և նման բաներ։ Հիմա ես պետք է, ինչպես Սասունցի Դավիթն էր ասում, ասեմ՝ մի հատ ձեզ թափ տվեք, թափ տվեք  տեսեք, թե ձեր ամեն մի կտորը որտեղ է ընկնելու, էդ դո՞ւք եք, որոշողը՝ վարչապետ ընտրվելու է, թե ՝ոչ, որոշողը ժողովուրդն է»։

Նիկոլ Փաշինյանը շեշտեց, որ ՀՀԿ-ի հայտարարություններին միացել են նաև խորհրդարանական այլ ուժեր, որոնք ասում են՝ երևի մենք էլ դեմ լինենք, որ ընտրություններ լինեն։

«Սերժը կասեր՝ իյա՜, իրո՞ք։ Ես չեմ հասկանում՝ ի՞նչ մտածողության ձև է։ Չեն հասկացե՞լ՝ Հայաստանում ինչ է կատարվում։ Ասում են՝ ա՛յ, մտածեք, որ այն ուժերը, որոնք օգնել են ձեզ, հիմա էլ չեն օգնի, մի քաղաքական ուժ կա, որի մտածելակերպից կարող է բան փոխվել, դա ժողովուրդն է, ուրիշ ուժ ես չեմ տեսնում։ Սա պարզ քաղաքական իրողության արձանագրում է»,- ասաց վարչապետը։

Նիկոլ Փաշինյանը ընդգծեց՝ ժողովուրդը որ պահին ուզենա իշխանությունը իրենցից վերցնի, կարող է այն վերցնել և փոխանցել այլ իշխանության։

Մանրամասները՝ տեսանյութում։