19.10.2026 | 18:45
Որտեղով է անցել Հայաստանի սահմանը 1920-ականներին․ Հայաստանն ու Ադրբեջանը՝ քարտեզներում․ փաստեր, սխալներ և հակասություններ
Բրյուսելում տեղի ունեցավ Ֆրանկոֆոն երկրների դեսպանների նիստ՝ նվիրված Երևանում կայանալիք Ֆրանկոֆոնիայի միջազգային գագաթաժողովին
Քաղաքականություն
19.09.2018 | 18:53
Սեպտեմբերի 18-ին Բրյուսելում տեղի ունեցավ Ֆրանկոֆոն երկրների դեսպանների նիստ, որը նվիրված էր Երևանում կայանալիք Ֆրանկոֆոնիայի միջազգային կազմակերպության XVII-րդ գագաթաժողովին: Հանդիպումը կազմակերպվել էր Բելգիայում ՀՀ դեսպանության նախաձեռնությամբ՝ ԵՄ-ում ՖՄԿ մշտական ներկայացուցչության և Բելգիայում Կանադայի դեսպանության հետ համատեղ. տեղեկացնում է ՀՀ ԱԳՆ-ն:
Միջոցառմանը մասնակցեցին ՖՄԿ գլխավոր քարտուղար Միկաել Ժանը, Բրյուսելում հավատարմագրված 85 դիվանագիտական առաքելությունների ղեկավարներ և անդամներ:
Բացման խոսքով հանդես եկավ Բելգիայում և Լյուքսեմբուրգում ՀՀ դեսպան, ԵՄ-ում ՀՀ առաքելության ղեկավար Թաթուլ Մարգարյանը, ով կարևորեց Երևանում կայանալիք Ֆրանկոֆոնիայի գագաթաժողովի նախօրեին Բրյուսելում ֆրանկոֆոն համայնքի նմանօրինակ ակտիվ մասնակցությունը հավաքին:
Այնուհետև ՖՄԿ-ում ՀՀ ներկայացուցիչ, դեսպան Քրիստիան Տեր-Ստեփանյանը ներկայացրեց ՖՄԿ առաջիկա գագաթաժողովի նախապատրաստական աշխատանքները:
Միջոցառմանը ելույթ ունեցավ նաև ՖՄԿ գլխավոր քարտուղար Միկաել Ժանը, ով մասնավորապես նշեց, որ Երևանը պատրաստ է առաջիկա գագաթաժողովին, և համոզմունք հայտնեց, որ այն կանցնի բարձր մակարդակով և մեծ հաջողությամբ:
Նիստի ավարտին տեղի ունեցավ ընդունելություն և ցուցադրվեց Երևանում կայանալիք Ֆրանկոֆոնիայի XVII-րդ գագաթաժողովին նվիրված տեսաֆիլմը:
