Ինչքան ինձ հայհոյել եք, այքան իմ վարկանիշը բարձրացել է. Նաիրա Զոհրաբյան. ՏԵՍԱՆՅՈՒԹ

«20-ից ավելի տարիների ընթացքում սրանք առաջին ընտրություններն են, որոնց ընթացքում ընտրակաշառք չի բաժանվում, սակայն այս լավ լուրին զուգահեռ կա նաև վատ լուր, որ առաջին անգամ ընտրությունների ժամանակ սոցիալական ցանցերում արձանագրվեցին անբարո քարոզներ և արտահայտություններ, որին արեն իսկ արձագանքել է Մարդու իրավունքների պաշտպանի գրասենյակը։

Այս մասին այսօր քարոզարշավի ժամանակ լրագրողերի հետ զրույցում ասաց ԲՀԿ քաղաքապետի թեկնածուն և շեշտեց․ «Սփյուռքի և Կրթության նախարարության աշխատակիցների կողմից, ՔՊ -ի անդամների կողմից ամենագռեհիկ արտահայտություններ, հարբած մուժիկի հայհոյանքներ են հնչում իմ հասցեին։ Օրինակ՝ սփյուռքի նախարարի վարորդի կողմից նման հայոհյանքներ են հնչել և՛ իմ, և՛ Արտակ Զեյնալյանի հասցին։ Որպեսզի իմ ասածները մերկապարանոց չհնչեն բերեմ նաև մեկ այլ օրինակ՝ Անուշ Լալայան, իր ֆեյսբուքյան էջում հայհոյանքներ է գրել, իսկ նա աշխատում է Սփյուռքի նախարարությունում։ Որևէ մեկը թող իմ հետևողականությանը չկասկածի․ ամբողջ փաստերը ներկայացնելու եմ միջազգային կառույցներին և արդեն իսկ սկսել եմ իրավական գործընթաց հենց այդ միջազգային կառույցներում»,- ասաց Նաիրա Զոհրաբյանը՝ շեշտելով, որ իր համար ամենացավալին այն է, որ ադրբեջանական մամուլն է գրում, թե տեսեք ինչ են անում մի կնոջ, որ Ստրասբուրգում բարձրացնում է Արցախի հարցը։

«Ինչքան ինձ հայհոյել եք, այնքան իմ վարկանիշը բարձրացել է։ Ես անհարմար եմ զգում բոլոր այն տղամարդկանց փոխարեն, որոնք կարող են կնոջը նման հայհոյանքներ հասցնել, սա մի բանի մասին է խոսում, որ իրենք վախեցած են։ Այս առումով ես այս քարոզարշավը համարում եմ ամենանողկալին»,- ասաց նա։

Մանրամասները՝ տեսանյութում։