07.10.2026 | 13:32
Դելին ու Երևանը քննարկում են Հայաստանում Pinaka Mk-II-ի արտադրության և հավաքման հնարավորությունը․ հնդկական ԶԼՄ
Արաղչին մեկնում է Դամասկոս՝ Թեհրանի ուղերձը փոխանցելու Սիրիայի կառավարությանը
Քաղաքականություն
01.12.2024 | 20:24
Իրանի արտաքին գործերի նախարար Աբբաս Արաղչին հայտարարել է, որ Իրանը շարունակում է աջակցել Սիրիային ահաբեկիչների դեմ պայքարում, որոնք ավերածություններ են գործում արաբական երկրում. փոխանցում է ԻՌՆԱ գործակալությունը։
Այս մասին Արաղչին լրագրողներին ասել է կիրակի օրը Քիշ կղզում նավատորմի օրվա արարողության շրջանակում։
«Այսօր ես մեկնում եմ Դամասկոս, որպեսզի Իսլամական Հանրապետության ուղերձը փոխանցեմ Սիրիայի կառավարությանը։ Մենք մեծապես աջակցում ենք սիրիական բանակին և կառավարությանը»,- ասել է նա:
Նա նաեւ ասել է, որ Իրանը տարբերություն չի տեսնում Սիոնիստական ռեժիմի եւ թաքֆիրական ահաբեկիչների միջեւ։ «Մենք կարծում ենք, որ Սիոնիստական ռեժիմի ձախողումից հետո թշնամին փորձում է իրականացնել տարածաշրջանն ապակայունացնելու իր չարաբաստիկ ծրագրերը ահաբեկչական խմբավորումների օգնությամբ»:
«Սիրիական բանակը կրկին կհաղթի այս ահաբեկչական խմբավորումներին, ինչպես նախկինում»,- ասել է նա։
