26.05.2026 | 16:44
«Ինտեր Մայամին» տեղեկություն է հայտնել Մեսիի վնասվածքի վերաբերյալ
Սուտ է, թե Վրաստանի կառավարությունը դադարեցրել է եվրաինտեգրման գործընթացը․ Կոբախիձե
Քաղաքականություն
01.12.2024 | 19:37
Ուզում եմ Եվրամիության դեսպանին հիշեցնել, որ բանակցությունների բացումը սեղանին դնի, և ես այսօր կստորագրեմ այն։ Այս մասին այսօր կայացած մամուլի ասուլիսում հայտարարել է Վրաստանի վարչապետ Իրակլի Կոբախիձեն․ փոխանցում է Վրաստանի առաջին ալիքը։
Վարչապետի խոսքով՝ սուտ է տարածվում այն մասին, որ Վրաստանի կառավարությունը դադարեցրել է եվրաինտեգրման գործընթացը։
«Սուտ է տարածվում այն մասին, թե իբր Վրաստանի կառավարությունը դադարեցրել է եվրաինտեգրման գործընթացը։ Առաջին իսկ հայտարարության մեջ և այս օրերի ընթացքում մենք ընդգծեցինք և շարունակում ենք հայտարարել, որ չենք դադարեցնում եվրաինտեգրման գործընթացը, բայց ակտիվացնում ենք մեր ջանքերը՝ ապահովելու Վրաստանի անդամակցությունը Եվրամիությանը 2030 թվականին։ Այս ֆոնին ամոթալի և մտահոգիչ է, որ Եվրամիության դեսպանը ներգրավված է եղել արմատական ընդդիմության և նրան կից հասարակական կազմակերպությունների ու լրատվամիջոցների կողմից իրականացվող ապատեղեկատվության քարոզարշավին։ Բնականաբար, նման իրադարձությունները լրջորեն սասանում են վրաց հասարակության վստահությունը եվրոպական բյուրոկրատիայի նկատմամբ։ Ուզում եմ Եվրամիության դեսպանին հիշեցնել՝ սեղանին դրեք բանակցությունների բացումը, և ես այսօր կստորագրեմ այն։ Շանտաժի փոխարեն սա է մեր վերաբերմունքը խնդրին, և մենք ակնկալում ենք նույն արժանապատիվ վերաբերմունքը եվրոպական կառույցներից, ինչը վրաց հասարակության պատվերն է»,- ասել է վարչապետը։
