06.01.2025 | 22:35
Նոր համաճարա՞կ․ Չինաստանում մետապնևմովիրուսի բռնկում է
Հալեպում ՀՀ գլխավոր հյուպատոսը աշխատանքը շարունակում է Դամասկոսից. ՀՀ ԱԳՆ
Քաղաքականություն
30.11.2024 | 17:35
Սիրիայում ՀՀ դիվանագիտական ծառայության մարմինների միջոցով ՀՀ ԱԳՆ-ն հետևում է իրադարձությունների զարգացմանը։ Այս մասին Factor.am-ին տեղեկացնում է ՀՀ ԱԳՆ մամուլի խոսնակ Անի Բադալյանը։
ԱԳՆ մամուլի խոսնակի փոխանցմամբ՝ տուժածների շրջանում ՀՀ քաղաքացիներ չկան։
«Դամասկոսում ՀՀ դեսպանությունը շարունակում է իր գործունեությունն արտակարգ ռեժիմով։ Հալեպում ՀՀ գլխավոր հյուպատոսը, Սիրիայի ԱԳՆ-ից նոյեմբերի 26-ին լիազորագրերը ստանալու նպատակով մեկնելով Դամասկոս, հաջորդիվ չի կարողացել վերադառնալ Հալեպ և աշխատանքը շարունակում է Դամասկոսից։ Իրավիճակի հետագա զարգացումներով պայմանավորված՝ ԱԳ նախարարությունը կկայացնի համապատասխան որոշումներ»,- ասել է Անի Բադալյանը:
Ավելի վաղ տեղեկացրել էինք, որ ՀՀ-ն հետ է կանչել Սիրիայում հումանիտար ականազերծման և բուժաշխատողների մասնագիտական խմբի ողջ անձնակազմին։
