27.03.2026 | 22:44
Ադրբեջանի ընդդիմության բանտարկված առաջնորդի որդին ԱՄՆ Պետդեպում քննարկել է քաղբանտարկյալների հարցը
Գևորգ Պապոյանն այցելել է ապակու մշակման առաջատար ծառայություններ մատուցող ընկերություն
Տնտեսություն
30.11.2024 | 15:26
ՀՀ էկոնոմիկայի նախարար Գևորգ Պապոյանը նոյեմբերի 30-ին այցելել է ապակու մշակման առաջատար ծառայություններ մատուցող «ԱՍԷԴԼ» կազմակերպության «ԳԼԱՍՎՈՐՔ» ընկերություն: Այցին մասնակցել է նաև նախարարի տեղակալ Էդգար Զաքարյանը։
«Ընկերության սեփականատեր Սամվել Աղեկյանի և տնօրեն Էդուարդ Աղեկյանի ուղեկցությամբ նախարարը շրջել է գործարանի տարածքով, ծանոթացել ընկերության գործունեության հիմնական ուղղություններին, արտադրական գործընթացներին և ներդրված սարքավորումներին։
Ընկերությունը մի քանի անգամ օգտվել է ՀՀ կառավարության կողմից տրամադրվող մաքսատուրքից ազատման արտոնությունից, ինչպես նաև տնտեսության արդիականացման պետական միջոցառումից, որը նպաստել է արտադրական հնարավորությունների ընդլայնմանը և տեխնոլոգիական զարգացմանը։
Ընկերության գործարանը զբաղեցնում է 30.000 մ² տարածք, ունեն շուրջ 300 աշխատակից, ընդհանուր կատարվել է 3 միլիարդ դրամի ներդրում։
Այսօր «ԳԼԱՍՎՈՐՔ»-ը գործունեություն է ծավալում նաև Վրաստանի շուկայում և համագործակցում է համաշխարհային հեղինակավոր ընկերությունների հետ, նպատակ ունեն արտահանման շուկաների մեծացման։
Նախարար Գևորգ Պապոյանը բարձր է գնահատել «ԳԼԱՍՎՈՐՔ»-ի ներդրումը ՀՀ տնտեսության զարգացման գործում և շեշտել նման ընկերությունների աջակցության ու խթանման կարևորությունը»,- ասված է գերատեսչության տարածած հաղորդագրությունում։
