06.12.2025 | 15:29
Ֆրանսիայից ժամանած պատվիրակությունն այցելել է Հայոց ցեղասպանության հուշահամալիր
Թբիլիսիում ցույցի ընթացքում ձերբակալվել է 107 մարդ
Քաղաքականություն
30.11.2024 | 10:55
Վրաստանի ՆԳՆ-ն հայտնել է Թբիլիսիում խորհրդարանի շենքի մոտ բողոքի ակցիայի ժամանակ 107 մարդու ձերբակալության մասին։
Բախումների հետևանքով տուժել է 10 ոստիկան, որոնցից մեկն այրվածքներով տեղափոխվել է հիվանդանոց։ Տուժած ցուցարարների մասին տեղեկություն չի հաղորդվում։
Ցուցարարների մեծ մասը բերման է ենթարկվել ոստիկանի օրինական պահանջներին չենթարկվելու և մանր խուլիգանության համար (Վրաստանի Վարչական իրավախախտումների վերաբերյալ օրենսգրքի 166-րդ և 173-րդ հոդվածները)։ Ռուսթավելի պողոտայում մարդիկ «տարբեր առարկաներ, քարեր, պիրոտեխնիկա, ապակե շշեր և երկաթե առարկաներ են նետել իրավապահների ուղղությամբ», պնդում է Վրաստանի ՆԳՆ-ն։
Գերատեսչության տվյալներով՝ ցուցարարները վնաս են հասցրել Թբիլիսիի քաղաքապետարանի ենթակառուցվածքներին ու մասնավոր անձանց, վնասել խորհրդարանի պաշտպանիչ ամբարտակը, հրկիզել տարբեր առարկաներ։ Իրավակարգը վերականգնելու համար ոստիկանությունը հատուկ միջոցներ է կիրառել։
Բողոքի ցույցերը Թբիլիսիում սկսվել են նոյեմբերի 28-ին այն բանից հետո, երբ իշխանությունները որոշել են դադարեցնել ԵՄ-ին անդամակցության շուրջ բանակցությունները մինչև 2028 թվականը։ Նոյեմբերի 29-ի գիշերը տեղի ունեցած ցույցի ժամանակ բերման է ենթարկվել 43 մարդ, վիրավորվել՝ 32 ոստիկան։
Թարգմանությունը՝ Տաթև Ֆռանգյանի
