04.08.2026 | 23:29
Չժաո Լեցզին շնորհավորել է Ռուբեն Ռուբինյանին ԱԺ նախագահ ընտրվելու կապակցությամբ
Իդլիբում և Հալեպում հարյուրավոր ահաբեկիչներ են սպանվել․ Սիրիայի ԶՈՒ հրամանատարություն
Քաղաքականություն
29.11.2024 | 20:14
Զինվորականները հարյուրավոր ահաբեկիչների են ոչնչացրել Իդլիբի և Հալեպի նահանգներում մարտերում, հայտնում է Սիրիայի Զինված ուժերի հրամանատարությունը, փոխանցում է ՌԻԱ Նովոստին։
«Մեր զինված ուժերին հաջողվել է ահռելի կորուստներ պատճառել հարձակվող խմբերին, հարյուրավոր ահաբեկիչներ ոչնչացվել և վիրավորվել են, ոչնչացվել է տասնյակ միավոր զրահատեխնիկա և 17 անօդաչու թռչող սարք»,- ասվում է հրամանատարության հայտարարության մեջ։
Հալեպի և Իդլիբի ճակատներում գրոհի հետ մղումը շարունակվում է։ Նշվում է, որ հարձակվողների թվում կան բազմաթիվ օտարերկրյա վարձկաններ։ Զորքերը մարտական շփման գծում միջոցներ են տեղակայել և ամրապնդել դիրքերը։
Անցյալ չորեքշաբթի «Հայաթ Թահրիր ալ-Շամ»-ին պատկանող խմբավորումները խախտեցին ապաէսկալացիայի համաձայնագիրը և հարձակվեցին Հալեպ և Իդլիբ նահանգների վրա։ Լայն ճակատով նրանք գրոհել են գյուղերը, քաղաքները, մարտական դիրքերը։ Սիրիական բանակը պատասխանել է հարձակմանը։
Ըստ Al Watan պարբերականի աղբյուրների՝ զորքերը գրոհել են ահաբեկիչների մատակարարման գծերը Հալեպ քաղաքից արևմուտք և Իդլիբում նրանց կենտրոնները:
Թարգմանությունը՝ Տաթև Ֆռանգյանի
