17.07.2026 | 23:30
ԲԸՏՄ-ում քննարկվել են COP17-ի նախապատրաստական աշխատանքներն ու տեսչության մասնակցությունը
Փաշինյանը կմասնակցի ՔՊ խմբակցության նիստին․ կքննարկեն Աղազարյանի հարցը
Քաղաքականություն
29.11.2024 | 17:47
Factor.am-ի տեղեկություններով, ՔՊ խմբակցության նիստին, որը տեղի է ունենալու ժամը 18:00-ին, մասնակցելու է նաև վարչապետ Նիկոլ Փաշինյանը։ ՔՊ խմբակցության նիստին մասնակցելու են նաև ԱԽ քարտուղար Արմեն Գրիգորյանը, Ֆինանսների նախարար Վահե Հովհաննիսյանը, ԲՏԱ նախարար Մխիթար Հայրապետյանը, ՏԿԵ նախարար Դավիթ Խուդաթյանը, ինչպես նաև՝ ՊՎԾ պետ Ռոմանոս Պետրոսյանը:
Ի թիվս այլ հարցերի, քննարկվելու է նաև Հովիկ Աղազարյանի` խմբակցությունում հետագա գործունեության հարցը:
Հիշեցնենք, որ ՀՀ վարչապետ Նիկոլ Փաշինյանը Հանրային հեռուստաընկերությանը տված հարցազրույցում հայտարարել էր, որ խնդրել է ԱԺ պատգամավորներ Նարեկ Զեյնալյանին և Հովիկ Աղազարյանին՝ մանդատները վայր դնել: Նարեկ Զեյնալյանը հետևել էր Փաշինյանի հորդորին։ Հովիկ Աղազարյան էլ հայտարարել էր, որ հետաձգում է մանդատը վայր դնելու վերաբերյալ իր որոշումը, մի քանի օրից կարձագանքի Նիկոլ Փաշինյանի խնդրանքին:
Մինչ այս պահը Աղազարյանը չի հայտարարել իր որոշման մասին։
Մանյա Պողոսյան
