05.06.2026 | 02:00
ՌԴ-ից մարդկանց ստիպելով բերում են իրենց օգտին քվեարկելու․ Փաշինյանը՝ «Ուժեղ Հայաստանի» մասին․ ՏԵՍՆՅՈՒԹ
«Ինտեր»-ը հաղթել է «Լայպցիգ»-ին, Բարսեղյանը «Սլովան»-ի կազմում դարձել է գոլի հեղինակ. ՉԼ այլ արդյունքներ
27.11.2024 | 11:58
Ֆուտբոլի Չեմպիոնների լիգայում կայացան 5-րդ տուրի հանդիպումները:
«Արմենպրես»-ի հաղորդմամբ` անգլիական «Մանչեսթեր Սիթի»-ն, սեփական հարկի տակ ընդունելով «Ֆեյենորդ»-ին, հանդիպումն ավարտեց ոչ-ոքի`3:3 հաշվով:
Մյունխենի «Բավարիա»-ն նվազագույն հաշվով հաղթեց ՊՍԺ-ին, նույն հաշվով «Ինտեր»-ը պարտության մատնեց «Լայպցիգ»-ին: Հայաստանի ֆուտբոլի ազգային թիմի նախկին ավագ Հենրիխ Մխիթարյանը փոխարինման մտավ 76-րդ րոպեին:
«Միլան»-ը հյուրընկալվելիս պարտության մատնեց «Սլովան»-ին` 2:3: Բրատիսլավան ներկայացնող թիմի կազմում հանդես եկող Հայաստանի ֆուտբոլի ազգային թիմի կիսապաշտպան Տիգրան Բարսեղյանը դարձավ գոլի հեղինակ:
Մադրիդի «Ատլետիկո»-ն գոլառատ խաղում 6:0 հաշվով առավելության հասավ Պրահայի «Սպարտա»-ի նկատմամբ:
Լևերկուզենի «Բայեր»-ը 5:0 հաշվով պարտության մատնեց «Զալցբուրգ»-ին, «Բարսելոնա»-ն հաղթեց «Բրեստ»-ին 3:0 հաշվով: «Սպորտինգ»-ը տանը 1:5 հաշվով զիջեց «Արսենալ»-ին, իսկ «Ատալանտա»-ն 1:6 հաշվով հաղթանակի հասավ «Յանգ Բոյս»-ի նկատմամբ:
ՉԼ այս տուրի մի քանի հանդիպումներ կկայանան նոյեմբերի 27-ին:
