18.07.2026 | 10:51
Վենեսուելայում երկրաշարժերի հետևանքով զոհերի թիվը գերազանցել է 5000-ը
ՀԱՄԱՍ-ը պատրաստ է զինադադար կնքել Իսրայելի հետ․ AFP
Քաղաքականություն
27.11.2024 | 11:26
Պաղեստինյան ՀԱՄԱՍ շարժումը ողջունել է Իսրայելի և լիբանանյան «Հըզբոլլահ» շարժման միջև հրադադարի համաձայնագիրը և հայտարարել Գազայի հատվածի վերաբերյալ նմանատիպ գործարք կնքելու պատրաստակամության մասին: Այս մասին հայտնում է AFP-ն՝ հղում անելով շարժման անանուն ներկայացուցչին։
«Մենք Եգիպտոսում, Կատարում և Թուրքիայում միջնորդներին ասել ենք, որ ՀԱՄԱՍ-ը պատրաստ է հրադադարի և գերիների փոխանակման գործարքի»,- ասել է AFP-ի զրուցակիցը:
Իսրայելի ռազմաքաղաքական կաբինետը նոյեմբերի 26-ին հաստատել է Լիբանանում կրակի դադարեցման ծրագիրը։ ԱՄՆ նախագահ Ջո Բայդենը հայտարարել է, որ ծրագիրը նախատեսում է 60 օրվա ընթացքում լիբանանյան ուժերի վերահսկողությունը վերականգնել իր տարածքում։
Թարգմանությունը՝ Տաթև Ֆռանգյանի
