16.03.2026 | 10:01
Հանրապետության ողջ տարածքում առատ տեղումներ են․ Ամբերդի հատվածում 2 օրում թափվել է ամսական նորմայի կրկնապատիկը
Արարատ Միրզոյանն ընդունել է ԱՄՆ Միջազգային զարգացման գործակալության հայաստանյան առաքելության տնօրեն տիկին Դեբորա Գրիսերին
Քաղաքականություն
19.09.2018 | 12:00
Առաջին փոխվարչապետ Ա.Միրզոյանն ընդունել է ԱՄՆ ՄԶԳ հայաստանյան առաքելության տնօրեն տիկին Դեբորա Գրիսերին. տեղեկացնում են առաջին փոխվարչապետի աշխատակազմից:
Առաջին փոխվարչապետ Ա.Միրզոյանը կարևորել է Հայաստանի կառավարության համագործակցությունը ԱՄՆ Միջազգային զարգացման գործակալության հետ և նշել, որ իրականացվող ծրագրերը միանգամայն համահունչ են Հայաստանի նոր կառավարության որդեգրած քաղաքականությանը և առաջնահերթություններին:
Հանդիպման ընթացքում քննարկվել են ինչպես իրականացված ծրագրերը, արձանագրված արդյունքները, այնպես էլ առաջիկա ծրագրերը, որոնք նպաստելու են Հայաստանում տնտեսական աճի ապահովմանը, ժողովրդավարության զարգացմանը, հանրային կառավարման ոլորտում արդյունավետության բարձրացմանը, համայնքներում ինստիտուցիոնալ կարողությունների զարգացմանը և այլն:
Զրուցակիցները քննարկել են նաև ԱՄՆ ՄԶԳ աջակցությունն ընտրական գործընթացներում, կարևորվել է Երևանի ավագանու, ինչպես նաև արտահերթ խորհրդարանական ընտրությունների ազատ և թափանցիկ անցկացումը:
