13.01.2026 | 23:28
ՆԳՆ շրջիկ սպասարկման գրասենյակները ծառայություններ կմատուցեն Գեղարքունիքի և Վայոց ձորի մարզերում
Մեծ Բրիտանիան տասնյակ Storm Shadow հրթիռներ է փոխանցել Ուկրաինային․ Bloomberg
Քաղաքականություն
26.11.2024 | 12:09
Մեծ Բրիտանիայի կառավարությունը վերջերս նույնպես տասնյակ Storm Shadow թևավոր հրթիռներ է մատակարարել Ուկրաինային, ինչն առաջին անգամ է վարչապետ Քիր Սթարմերի կառավարման օրոք, որը խոստացել էր շարունակել աջակցել Կիևին։ Այս մասին հայտնում է Bloomberg-ը՝ հղում անելով իր աղբյուրներին, գրում է BBC-ի ռուսական ծառայությունը։
Լրատվամիջոցի տվյալներով՝ հրթիռները, որոնք թույլ են տալիս հարվածներ հասցնել Ռուսաստանի տարածքի խորքին, ուղարկվել են նույնիսկ ռուսական տարածքին հարվածներ հասցնելու թույլտվությունից առաջ։
Bloomberg-ն ընդգծում է, որ ԱՄՆ-ը և Մեծ Բրիտանիան ձգտում են ուժեղացնել Ուկրաինան՝ նախքան Դոնալդ Թրամփի վերադարձը Սպիտակ տուն։
Աղբյուրները հայտնել են, որ մատակարարումները, որոնց մասին հրապարակայնորեն չի հայտարարվել, տեղի են ունեցել մի քանի շաբաթ առաջ և իրականացվել են այն բանից հետո, երբ Կիևի հեռահար հրթիռները սպառվել են։
Թարգմանությունը՝ Էմմա Չոբանյանի
