26.11.2024 | 12:49
NYMEX. Թանկարժեք մետաղների գները նվազել են
Ալիևը զանգահարել է Դոնալդ Թրամփին
Քաղաքականություն
26.11.2024 | 10:25
Ադրբեջանի նախագահ Իլհամ Ալիևը զանգահարել է ԱՄՆ նորընտիր նախագահ Թրամփին։ Ադրբեջանական կողմի հաղորդմամբ՝ հեռախոսազրույցի ընթացքում Ալիևը շնորհավորել է Դոնալդ Թրամփին ԱՄՆ նախագահի պաշտոնում վերընտրվելու կապակցությամբ։ Նա նշել է, որ ընտրություններում վստահ հաղթանակը նրա քաղաքական կուրսի նկատմամբ ամերիկյան ժողովրդի մեծ աջակցության և վստահության արտահայտությունն է։
Ադրբեջանի նախագահն ընդգծել է, որ նախագահի պաշտոնում Դոնալդ Թրամփի գործունեությունն է՛լ ավելի կարևոր դեր կխաղա աշխարհում անվտանգության ապահովման գործում։ Նա նշել է, որ իր նախագահության առաջին ժամկետում Դոնալդ Թրամփը հատուկ ուշադրություն է դարձրել Ադրբեջանի և ԱՄՆ-ի միջև բարեկամության և համագործակցության ամրապնդմանը և հույս հայտնել, որ համատեղ ջանքեր կգործադրվեն երկկողմ հարաբերությունների հետագա զարգացման համար։
Ըստ ադրբեջանական կողմի՝ Թրամփը երախտագիտություն է հայտնել Ալիևին անկեղծ շնորհավորանքների համար և նշել երկու երկրների միջև համագործակցության զարգացման համար համատեղ աշխատանքի կարևորությունը։
Հիշեցնենք, որ ավելի վաղ Թրամփի հետ հեռախոսազրույց էր ունեցել ՀՀ վարչապետ Նիկոլ Փաշինյանը։
Թարգմանությունը՝ Էմմա Չոբանյանի
