03.08.2026 | 13:56
Մարոկկոյում նշել են իսպանական Սեուտա միգրանտների զանգվածային ներխուժման պատճառը
ՌԴ-ն ակնկալում է հասնել Հայաստանի հետ ապրանքաշրջանառության ռեկորդային ցուցանիշի՝ 14-16 միլիարդ դոլարի․ Սերգեյ Կոպիրկին
Տնտեսություն
25.11.2024 | 11:40
Ռուս-հայկական առևտրատնտեսական հարաբերությունների մասին խոսակցությունը պետք է սկսել նրանից, որ դրանց դինամիկ զարգացման կատալիզատորը մեծապես Եվրասիական տնտեսական միության հարթակում համագործակցությունն է։ Այս մասին «Իզվեստիա»-ի հետ հարցազրույցում հայտարարել է ՀՀ-ում ՌԴ դեսպան Սերգեյ Կոպիրկինը։
«Մեր փոխադարձ առևտրի տպավորիչ ցուցանիշները պարզապես անհնարին կլինեն առանց ԵՏՄ մարմինների արդյունավետ ջանքերի՝ վերացնելու առևտրային և վարչական խոչընդոտները, ապահովելով անդամ երկրների անցումը ընդհանուր տեխնիկական, սանիտարական, անասնաբուժական և բուսասանիտարական չափանիշներին՝ Եվրասիական տնտեսական տարածքի երկրների իրավասու պետական գերատեսչությունների միջև հստակ համակարգման ձևավորմամբ։ Նույն գործոնները նպաստել են Ռուսաստանի՝ Հայաստանի տնտեսության մեջ առաջատար ներդրողի հայտնվելուն։ Ռուսական կուտակված ներդրումների ընդհանուր մակարդակը շուրջ 4 մլրդ դոլար է»,- ասել է Կոպիրկինը։
Նա հավելել է, թե ակնկալում են երկրների միջև ապրաշրջանառությունը հասցնել ռեկորդային՝ 14-16 մլրդ դոլարի։
«Եթե խոսենք կոնկրետ թվերի մասին, ապա արդեն 2024 թվականի առաջին կիսամյակում Ռուսաստանի և Հայաստանի միջև ապրանքաշրջանառությունը գերազանցել է 8,3 միլիարդ դոլարի նշագիծը՝ գերազանցելով նախորդ տարվա ցուցանիշը՝ 7,4 միլիարդ դոլար։ Ակնակալում ենք պահպանել տեմպն ու դուրս գալ ռեկորդային՝ 14-16 մլրդ դոլարի մակարդակի։ Մենք նաև աշխատում ենք հանրապետությունում համատեղ տնտեսական նախագծեր սկսելու ուղղությամբ, որոնք շոշափելի ներդրում կունենան հայկական արդյունաբերության զարգացման գործում, կստեղծեն նոր աշխատատեղեր և կավելացնեն բյուջեի հարկային մուտքերը»,- նշել է ՌԴ դեսպանը։
Թարգմանությունը՝ Էմմա Չոբանյանի
