08.10.2026 | 18:02
Փարիզում քննարկվել է ապաստանի գործերով մասնագիտացված դատավորներ ունենալու հնարավորությունը
Սոչի-Անթալիա թռիչքն իրականացնող օդանավը վայրէջքի ժամանակ հրդեհվել է
Քաղաքականություն
25.11.2024 | 11:51
Թուրքական Անթալիայի օդանավակայանում Սոչիից թռչող Azimut Airlines ավիաընկերության Sukhoi Superjet-100 ինքնաթիռը վայրէջքի ժամանակ բռնկվել է։ ՌԴ հյուպատոսությունից հայտնել են, որ ուղևորները տարհանվել են, տուժածներ չկան։
Ավիաընկերությունը հայտնել է, որ «կոպիտ վայրէջքը» եղել է «քամու տեղաշարժի հետևանք», գրում է BBC-ի ռուսական ծառայությունը։
RA-89085 համարի տակ գրանցված օդանավը, որն արտադրվել է 2017 թվականին, վայրէջք է կատարել կիրակի երեկոյան վատ եղանակային պայմաններում։ Ինքնաթիռում եղել է 89 ուղևոր և անձնակազմի 6 անդամ։
Նախնական տվյալներով՝ Superjet-ը թռիչքուղուն բախվելուց հետո շարժիչներից մեկում հրդեհ է բռնկվել։
Դատելով դեպքի վայրից ստացված կադրերից՝ ձախ շարժիչն է բռնկվել։ Հաղորդվում է, որ ուղևորներն «անվտանգ կերպով տեղափոխվել են օդանավակայանի տերմինալ», տուժածներ չկան։
Թարգմանությունը՝ Տաթև Ֆռանգյանի
