30.04.2026 | 18:30
Հնդկաստանն ու Հայաստանը ռազմական տեխնիկայի համատեղ մշակում են սկսել. The Indian Express
Չինաստանում 83 մլրդ դոլարի ոսկու պաշար է հայտնաբերվել
Քաղաքականություն
22.11.2024 | 17:30
Չինաստանի կենտրոնական Հունան նահանգում 82,8 միլիարդ դոլար արժողությամբ պաշարներով ոսկու երակներ են հայտնաբերվել։ Այս մասին հայտնել է Xinhua-ն՝ վկայակոչելով նահանգի երկրաբանական բյուրոյին։ Երկրաբանները Պինցզյան կոմսության Վանգու հանքավայրում 2 հազար մետր խորությամբ հայտնաբերել է 300 տոննա ոսկու պաշար։
«Փորձագետները համակարծիք են եղել, որ Վանգուի ոսկու հանքավայրում հանքաքարի ծավալը հսկայական է, ենթադրվում է, որ ավելի քան 3 հազար մետր խորությամբ ոսկու պաշարները կկազմեն ավելի քան հազար տոննա», – ասվում է զեկույցում: Նոր տեխնոլոգիաները, ներառյալ եռաչափ մոդելավորումը, օգտագործվել են հանքավայրերի որոնման համար:
Ոսկու համաշխարհային պահանջարկը 2024 թվականի երրորդ եռամսյակում աճել է մոտ 5%-ով և առաջին անգամ հատել 100 մլրդ դոլարի սահմանագիծը։
Չորեքշաբթի ավելի վաղ հայտնի դարձավ, որ ոսկու գինն առաջին անգամ հատել է ունցիայի դիմաց 2800 դոլարի սահմանագիծը։ Թանկարժեք մետաղը թանկանում է ԱՄՆ նախագահական քարոզարշավի և ԱՄՆ-ում տոկոսադրույքների լրացուցիչ նվազեցման ակնկալիքների ֆոնին։
Թարգմանությունը՝ Տաթև Ֆռանգյանի
