05.08.2026 | 15:00
Կիևի մարզում ռուսական հարվածի հետևանքով ոչնչացվել է ուկրաինական Rozetka մարկետփլեյսի ամենախոշոր պահեստը
Գորիսի աշակերտները յուրացնում են անտառվերականգնման հմտությունները․ ՄԱԿ ՊԳԿ-ն դասընթաց է կազմակերպել
Հասարակություն
22.11.2024 | 11:11
Սյունիքի մարզի «Հայանտառ» ՊՈԱԿ-ի Գորիսի անտառտնտեսության մասնաճյուղը Հայաստանում ՄԱԿ-ի Պարենի և գյուղատնտեսության կազմակերպության (ՊԳԿ) հետ համատեղ Գորիսի ավագ դպրոցի աշակերտներին ծառատունկի և անտառների կառավարման թեմայով դասընթաց է անցկացրել:
ՄԱԿ ՊԳԿ-ից տեղեկացնում են, որ դասընթացների հիմնական թեմաները եղել են տնկիների արտադրությունը, էներգաարդյունավետությունը և վերականգնվող էներգիայի տեխնոլոգիաները անտառների կայուն կառավարման համար։ Հատուկ ուշադրություն է դարձվել անտառների կառավարմանը և բնապահպանական նախաձեռնություններին կանանց ներառման և իրենց մասնակցությունը խթանելու մոտեցումների ներկայացմանը:
«Դասընթացից հետո ավագ դպրոցի շուրջ 70 երեխաներ և ուսուցիչներ մասնակցեցին ծառատունկի գործնական աշխատանքներին ՊԳԿ սածիլների արտադրության մասնագետ Նաիրա Գասպարյանի ուղղորդման ներքո։ Տիկին Գասպարյանը ցուցադրեց տնկման համար անցքեր պատրաստելու պատշաճ տեխնիկան՝ ապահովելով տնկիների աճի համար ճիշտ խորությունը և տարածությունը: Նա ներկայացրեց նաև առողջ անտառների վերականգնման համար ճիշտ տնկիների ընտրության և դրանք ճիշտ տնկելու առանձնահատկությունները։ Այս գործնական աշխատանքի միջոցով երեխաները ծանոթացան անտառների վերականգնման հիմքում ընկած մոտեցումների և նորատունկ ծառերի համար պահանջվող երկարատև խնամքի առանձնահատկություններին:
Այս համագործակցությունը նպատակ ունի ոգեշնչել երիտասարդությանը էլ ավելի ակտիվ դերակատարում ունենալ շրջակա միջավայրի և անտառների պահպանության գործում: Տեսական կրթության և գործնական աշխատանքի համադրումը թույլ է տալիս երիտասարդ սերնդին հաղորդել անհրաժեշտ գիտելիքներ և փորձ ապագայում ավելի կայուն և ավելի կանաչ Հայաստան կերտելու համար»,- ասված է հաղորդագրությունում։
