08.04.2025 | 13:01
Բաքուն հայաթափված Ստեփանակերտում միջազգային ֆորում է անցկացնում
Քննչական կոմիտեում նկարների անհետացման գործը առաջ չի գնում, դիմել ենք ՊՎԾ-ին․ փաստաբան․ ՏԵՍԱՆՅՈՒԹ
Հասարակություն
20.11.2024 | 13:25
Երվանդ Քոչարի թանգարանից 7 կտավների անհետացման փաստը հաստատելու համար սեփականատեր Ռուբեն Քոչարը դիմել է թանգարան և խնդրել է վերադարձնել դրանք։ Այս մասին ասուլիսի ժամանակ ասաց փաստաբան Տիգրան Աթանեսյանը։
«Իմաստն այն էր՝ հասկանալ՝ նկարները կա՞ն, թե՞ ոչ։ Բողոք ներկայացվեց Կառավարություն, որը գնաց Քննչական կոմիտե, որտեղ 9 ամիս ոչինչ չի կատարվում։ Այսինքն, ցավոք սրտի, քննչական մարմիններին հավատալ այստեղ պետք չէ։ Երկրորդը, մենք դիմել ենք Պետական վերահսկողական ծառայությանը, քիչ թե շատ անկախ մարմին քննչականից, վերահսկող լիազոր մարմինն էլ ԿԳՄՍ-ն է»,- ասաց փաստաբանը։
Աթանեսյանի հեգնեց, թե Կրթության, գիտության, մշակույթի և սպորտի նախարարության վարքագիծը «շատ լավն» է։
«Ասում են՝ մենք պարբերաբար ստուգել ենք թանգարանը։ Գիտե՞ք՝ ոնց են ստուգում։ Թանգարանին գրում են մի հատ Ձեզ ստուգեք, թանգարանը ստուգում է ու ասում՝ ամեն ինչ լավ է»,- նշեց Աթանեսյանը։
Մանրամասները՝ տեսանյութում։
