18.07.2026 | 13:06
Հակակոռուպցիոն կոմիտեն դիմել է Արդարադատության նախարարությանը՝ helpcourt.am-ի գործունեության հարցով
Մոլդովայի ոստիկանությունը հայտնել է Քիշնևում ԱԹՍ-ի ընկնելու մասին
Քաղաքականություն
19.11.2024 | 19:29
Խոցված անօդաչու թռչող սարք է հայտնաբերվել Քիշնևի «Պորտ Մոլ» առևտրի կենտրոնի մոտակայքում, հայտարարել է Մոլդովայի ազգային ոստիկանության մամուլի ծառայությունը։ Հայտնի չէ, թե ով է արձակել անօդաչու թռչող սարքը։ Զոհերի և ավերածությունների մասին տեղեկություններ չկան։
Իրավապահ մարմինների տվյալներով՝ ԱԹՍ-ն նկատվել է տեղական ժամանակով 11:20-ի սահմաններում: Օբյեկտի մասին ականատեսն է հայտնել ոստիկանություն։ Դեպքի վայր են ժամանել Տեխնիկական, քրեական և դատաբժշկական փորձաքննությունների կենտրոնի պայթուցիկ նյութերի բաժնի մասնագետները՝ վայրն ուսումնասիրելու համար։
Նոյեմբերի 10-ին Մոլդովայի ոստիկանությունը հայտնել է Նովի Բորոսենի և Ֆիրլեդենի գյուղերի տարածքում ընկած երկու անօդաչու թռչող սարք հայտնաբերելու մասին։ Պարզվել է, որ դրանք առանց պայթուցիկ նյութերի են եղել։
Մոլդովայի ԱԳՆ-ն հայտարարել է, որ անօդաչու սարքերը պատկանում են Ռուսաստանին։ Նոյեմբերի 12-ին Քիշնևից 20 կմ հեռավորության վրա հայտնաբերվել է երրորդ անօդաչուն։
Հանրապետությունում ՌԴ դեսպան Օլեգ Օզերովին բողոքի նոտա է հանձնվել։ Նա պնդում է, որ անօդաչու թռչող սարքի պատկանելությունը Ռուսաստանին չի հաստատվել։
Թարգմանությունը՝ Տաթև Ֆռանգյանի
