09.09.2026 | 10:58
Գազամատակարարման պլանային դադարեցումներ Արագածոտնի, Շիրակի և Լոռու մարզերում
Առաջիկա շաբաթները վճռորոշ են լինելու Ուկրաինայի համար. Տուսկ
Քաղաքականություն
18.11.2024 | 14:14
Լեհաստանի վարչապետ Դոնալդ Տուսկը կարծիք է հայտնել, որ առաջիկա շաբաթները վճռորոշ կլինեն Ուկրաինայում հակամարտության համար։ Ավելի վաղ քաղաքական գործիչը գրել էր, որ գոհ է Գերմանիայի կանցլեր Օլաֆ Շոլցի դիրքորոշումից, որը նա հայտնել է ՌԴ նախագահ Վլադիմիր Պուտինի հետ հեռախոսազրույցում։
«Հաջորդ շաբաթները վճռորոշ կլինեն ոչ միայն պատերազմի, այլև մեր ապագայի համար»,- գրել է Դոնալդ Տուսկը «X»-ում։
Այս անգամ, սակայն, Լեհաստանի կառավարության ղեկավարը քննադատել է իր գործընկերներին Ռուսաստանի ղեկավարության հետ «հեռախոսային դիվանագիտություն» հաստատելու համար։
«Ոչ ոք Պուտինին չի կանգնեցնի հեռախոսազանգերով։ Անցած գիշեր տեղի ունեցած հարձակումը, որն այս պատերազմի ամենամեծ հարձակումներից մեկն է, ապացուցեց, որ հեռախոսային դիվանագիտությունը չի կարող փոխարինել ամբողջ Արևմուտքի իրական աջակցությանն Ուկրաինային»,- գրել է Տուսկը։
Անցյալ շաբաթ Օլաֆ Շոլցն առաջին հեռախոսազրույցն է ունեցել ՌԴ նախագահի հետ վերջին երկու տարվա ընթացքում։ Իր հերթին, Մեծ Բրիտանիայի վարչապետ Քիր Սթարմերը հայտարարել է նման ծրագրերի բացակայության մասին։ Ֆրանսիայի նախագահ Էմանուել Մակրոնն էլ նշել է, որ Վլադիմիր Պուտինի հետ զրույցը տեղի կունենա, երբ դրա համար «հարմար ենթատեքստ» լինի։
Թարգմանությունը՝ Տաթև Ֆռանգյանի
