30.04.2026 | 20:48
Մեր ազգն այժմ պետք է կենտրոնանա ներկայի և ապագայի վրա, այլ ոչ թե մնա անցյալում. Արարատ Միրզոյանի հարցազրույցը France 24-ին
Վրացի ընդդիմադիրներն ամբողջ գիշեր անցկացրել են Թբիլիսիի կենտրոնում
Քաղաքականություն
18.11.2024 | 12:07
Վրաստանի ընդդիմադիր կուսակցությունների ներկայացուցիչները իրենց կողմնակիցների հետ ամբողջ գիշերն անցկացրել են Թբիլիսիի պետական համալսարանի դիմաց՝ պահանջելով նոր խորհրդարանական ընտրություններ, փոխանցում է «Վեստնիկ Կավկազա»-ն:
Շենքի դիմաց վրաններ են տեղադրված, որտեղ էլ ամբողջ գիշեր անցկացրել են ցուցարարները։ Ակցիայի մասնակիցները կրակ են վառել, երգել, խաղեր խաղացել։ Քաղաքացիները նրանց համար ուտելիք ու տաք ըմպելիք են բերել։
Վրաստանի ՆԳՆ-ն նախազգուշական հայտարարություններ չի արել։ Ընդդիմադիրները խոստանում են փողոցում մնալ մինչև երկուշաբթի երեկո։
Հիշեցնենք, որ Վրաստանում խորհրդարանական ընտրությունները տեղի են ունեցել հոկտեմբերի 26-ին։ Կենտրոնական ընտրական հանձնաժողովի տվյալներով՝ հաղթող է ճանաչվել իշխող «Վրացական երազանք» կուսակցությունը, սակայն ընդդիմությունը չի ընդունում ընտրությունների արդյունքներն ու բողոքի ցույցերի է դուրս եկել։
Թարգմանությունը՝ Տաթև Ֆռանգյանի
