30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Աբխազիայում ցուցարարները պոկել են խորհրդարանի շենքի պատուհանների ճաղավանդակներն ու ներխուժել շենք․ ՏԵՍԱՆՅՈՒԹ
Քաղաքականություն
15.11.2024 | 16:59
Սուխումում Ռուսաստանի հետ ներդրումային համաձայնագրի դեմ հանդես եկող ցուցարարները կոտրել են Աբխազիայի խորհրդարանի շենքի պատուհանների ճաղավանդակները և ներխուժել շենք, հայտնում է ՌԻԱ Նովոստիի թղթակիցը։
Անվտանգության ուժերը պատասխանել են՝ մի քանի ծխային նռնակ նետելով ամբոխի ուղղությամբ։
Հիշեցնենք, որ այսօր ավելի վաղ հաղորդվում էր ցուցարարների և անվտանգության ուժերի ներկայացուցիչների միջև բախումների մասին: Ցուցարարներն իրավապահների ուղղությամբ ձվեր և շշեր են նետել։ Նրանց հաջողվել է կանգնեցնել նաև հրշեջ մեքենան, որով նախատեսել էին փակել ցանկապատի մի մասի քանդումից հետո ստեղծված անցումը։
Հավելենք, որ Աբխազայի խորհրդարանն ավելի վաղ չի հաստատել նիստի օրակարգը։ Երկրի իշխանությունները մտադիր էին նոյեմբերի 15-ին քննարկել Սուխումի և Մոսկվայի միջև ներդրումային համաձայնագրի նախագիծը։
Թարգմանությունը՝ Տաթև Ֆռանգյանի
