11.08.2026 | 00:05
Երկրաշարժ Վարդենիս քաղաքից 26 կմ հյուսիս-արևելք
Ստամբուլում Իսրայելի հյուպատոսության մոտ տղամարդը կրակոցներ է արձակել
Քաղաքականություն
15.11.2024 | 16:07
Հրացանով զինված տղամարդը Ստամբուլի Բեշիքթաշ թաղամասում Իսրայելի հյուպատոսարանի մոտ մի քանի անգամ օդ է կրակել, իրավապահներն արագորեն արձագանքել և ձերբակալել են նրան։
Միջադեպը տեղի է ունեցել գիշերը 00:15-ի սահմաններում Թալաթփաշա պողոտայում՝ Իսրայելի հյուպատոսարանի մոտ։ Նախնական տվյալներով՝ կասկածյալը որսորդական հրացանից օդ է արձակել 5-6 կրակոց։
Ոստիկանության խմբերը ձեռնարկել են անվտանգության լայնածավալ միջոցառումներ հարակից տարածքում։ Գազայի վրա Իսրայելի հարձակումների դեմ բողոքող ակցիան իրականացրած տղամարդը որոշ ժամանակ դիմադրել է ոստիկանների՝ հանձնվելու կոչին։ Իրավապահների նախազգուշական կրակոցները նրան ստիպել են հանձնվել:
Նախնական տվյալներով՝ նա արարքը կատարել է որպես բողոքի նշան Գազայում Իսրայելի գործողությունների դեմ։ Անձը բերման է ենթարկվել և տեղափոխվել Բեշիքթաշի անվտանգության բյուրո՝ հարցաքննության։
Զոհերի և վիրավորների մասին տեղեկություններ չկան։
Թարգմանությունը՝ Էմմա Չոբանյանի
