04.04.2026 | 20:03
ՃՏՊ՝ հրդեհի բռնկմամբ
Թուրքիայում 4,9 մագնիտուդով երկրաշարժ է տեղի ունեցել
Քաղաքականություն
15.11.2024 | 13:30
Թուրքիայի հարավարևելյան Մալաթիա նահանգի Դողանշեհիր շրջանում 4,9 մագնիտուդով երկրաշարժ է տեղի ունեցել, հայտնում է Թուրքիայի Աղետների և արտակարգ իրավիճակների կառավարման վարչությունը՝ AFAD-ը։
Երկրաշարժը գրանցվել է տեղական ժամանակով 10։46-ին (GMT+3), ցնցումները զգացվել են նաև հարևան նահանգներում, ներառյալ՝ Մարաշը, Ադըյամանը, Այնթափը և Քիլիսը:
Եվրոպական-միջերկրածովյան սեյսմոլոգիական կենտրոնը (EMSC) երկրաշարժի ուժգնությունը գնահատել է 5,1 մագնիտուդ։
AFAD-ը հայտարարել է, որ արտակարգ իրավիճակների խմբերի դաշտային ստուգումները սկսվել են երկրաշարժից անմիջապես հետո, մինչ այժմ ավերածություններ չեն գրանցվել, զոհեր և տուժածներ չկան։
Հավելենք, որ Մալաթիան այն նահանգներից է, որը մեծապես տուժել է 2023 թվականի փետրվարին տեղի ունեցած ավերիչ կրկնակի երկրաշարժերից։ Մալաթիայում զոհվել է 1,237 մարդ, վիրավորվել՝ 6,444-ը։ Նահանգում 36,000 շենք լուրջ վնասներ է կրել:
Թարգմանությունը՝ Էմմա Չոբանյանի
