19.04.2026 | 23:45
Գետերում նկատվում է ջրի մակարդակի բարձրացում. ՆԳՆ ՓԾ-ն անցել է ուժեղացված ծառայության
Երբեմն ոստիկանին այնպես են հայհոյում, որը սրբապղծություն է համարվում. ո՞րը պետք է լինի նրա վարքագիծը․ ՏԵՍԱՆՅՈՒԹ
Հասարակություն
15.11.2024 | 11:59
Վարչապետ Նիկոլ Փաշինյանը շատ կարևոր է համարում, որ հիմա ոստիկանության բարեփոխումների տրամաբանության մեջ ուժի կիրառման հասկանալի ու տեսանելի ստանդարտ լինի։
«Երբ ոստիկանությանը պրիտենզիաներ են ներկայացվում ուժ կիրառելու համար, շատ դեպքերում մարդիկ չեն հասկանում, ասում են՝ «մենք մեր գործն ենք արել», ինչ-որ առումով ճիշտ են ասում, բայց ճիշտ են ասում նաև նրանք, ովքեր ասում են, որ պետք է որոշակի ձև, չափ ու սահման լինի։ Ուսումնասիրելով այս հարցը՝ մենք հասկանում ենք, որ մեր երկրում ուժի կիրառման ստանդարտ գոյություն չունի»,- կառավարության այսօրվա նիստում հայտարարեց նա։
Փաշինյանի խոսքով՝ պետք է բոլորի համար թափանցիկ լինի՝ ոստիկանությունը որ դեպքում ու ինչ պարագայում պետք է ուժ կիրառի։
«Երբ դեպք է տեղի ունենում, ուզում ենք հասկանալ՝ ի՞նչն է պատճառը, պարզվում է՝ ոստիկանության աշխատողի հասցեին հնչել է այն կարգի հայհոյանք, որը մեր իրականության մեջ համարվում է մարդու սրբությունը պղծել։ Մենք պետք է հստակ ձևակերպենք, թե այդ դեպքում ոստիկանի վարքականոնը որն է, ինքը ինչ պետք է անի»,- ասաց նա։
Մանրամասները` տեսանյութում։
