10.08.2026 | 23:23
ԹԻՀԿ-ն ուսումնասիրել է Երևանի 70 բարեկարգված բակերի ու խաղահրապարակների որակն ու անվտանգությունը
«Շահեդ»-ներն ու հրթիռները գրոհել են Օդեսան․ կա զոհ
Քաղաքականություն
15.11.2024 | 11:27
Ռուսական կողմը հարվածային անօդաչու թռչող սարքերով հարձակվել են Օդեսայի և տարածաշրջանի վրա, զոհ և վիրավորներ կան, վնասվել են քաղաքացիական ենթակառուցվածքները։ Այս մասին հայտնել է Օդեսայի շրջանի ռազմական վարչակազմի ղեկավար Օլեգ Կիպերը, փոխանցում է Current Time-ը։
Ըստ Կիպերի՝ հարձակման հետևանքով մեկ կին է մահացել։ Ուկրաինայի արտակարգ իրավիճակների պետական ծառայությունը հայտնել է 10 վիրավորի մասին։
«Վնասվել են բնակելի տներ, եկեղեցի, շուրջ 30 ավտոմոբիլ։ Որոշ վայրերում հրդեհներ են գրանցվել։ Փլուզվել է բազմաբնակարան շենք։ Վնասվել է նաև ջերմամատակարարման խողովակաշարը։ Հարկադրաբար դադարեցվել է Օդեսայի կաթսայատներից մեկի աշխատանքը։ Վնասված կաթսայատունը ջեռուցում էր 220 բազմաբնակարան բնակելի շենք (40 հազար բնակիչ), 7 մանկապարտեզ, 4 դպրոց։ Կաթսայատունը սպասարկում էր նաև Օդեսայի ծննդատներից մեկը, որտեղ այժմ 28 ծննդկան և 22 նորածին կա»,- գրել է շրջանային վարչակազմի ղեկավարը Telegram-ի իր ալիքում։
Թարգմանությունը՝ Տաթև Ֆռանգյանի
