30.04.2026 | 20:00
Ադրբեջանը ոչնչացնում, յուրացնում է հայկական հետքը․ սա թույլ չի տալիս լիարժեք հավատալ խաղաղությանը․ Դիաննա Կարապետյան. ՏԵՍԱՆՅՈՒԹ
Իլոն Մասկը հանդիպել է ՄԱԿ-ում Իրանի դեսպանին․The New York Times
Քաղաքականություն
15.11.2024 | 10:39
Իլոն Մասկը՝ աշխարհի ամենահարուստ մարդը և ԱՄՆ նորընտիր նախագահ Դոնալդ Թրամփի մերձավոր դաշնակիցը, երկուշաբթի օրը հանդիպել է ՄԱԿ-ում Իրանի դեսպանի հետ։ Այս մասին հայտնում է The New York Times-ը՝ վկայակոչելով իրանցի երկու պաշտոնյաների, փոխանցում է CNN-ը։
NYT-ը, վկայակոչելով իրանցի պաշտոնյաներին, հայտնում է, որ Մասկի և Իրանի բանագնաց Ամիր Սաիդ Իրավանիի հանդիպումը տեղի է ունեցել Նյու Յորքում գաղտնի վայրում և տևել է ավելի քան մեկ ժամ։ Աղբյուրը նկարագրել է, որ քննարկումը կենտրոնացած է եղել երկու երկրների միջև լարվածությունը թուլացնելու վրա:
CNN-ը մեկնաբանությունների համար դիմել է Մասկի և Թրամփի անցումային թիմին: ՄԱԿ-ում Իրանի առաքելությունը հրաժարվել է մեկնաբանություններից:
ՄԱԿ-ում Բայդենի վարչակազմի պաշտոնյաները ծանուցված չեն եղել հանդիպման անցկացման մասին և դեռևս չեն ստացել անկախ հաստատում, որ այն կայացել է: Այս մասին CNN-ին ասել է ամերիկացի պաշտոնյան:
Թրամփը ավելի վաղ հայտարարել էր, որ Մասկը և Վիվեկ Ռամասվամին ղեկավարելու են նորաստեղծ՝ «Կառավարության արդյունավետության դեպարտամենտը»։
Թարգմանությունը՝ Էմմա Չոբանյանի
