19.04.2026 | 23:45
Գետերում նկատվում է ջրի մակարդակի բարձրացում. ՆԳՆ ՓԾ-ն անցել է ուժեղացված ծառայության
Ադրբեջանն այսօր պատերազմում է արցախցիների հիշողության դեմ. Արմինե Հայրապետյան․ ՏԵՍԱՆՅՈՒԹ
Հասարակություն
14.11.2024 | 13:53
«Աղճատվում է բնապատմական լանդշաֆտը»,- այսպես սկսեց իր ելույթը Արցախի պատմական միջավայրի պահպանության պետական ծառայության տնօրեն Արմինե Հայրապետյանը՝ «Ադրբեջանի ագրեսիայի ազդեցությունը մարդու իրավունքների և շրջակա միջավայրի պաշտպանության վրա» խորագրով համաժողովին։ Նա հրապարակեց այն հուշարձանների անունները, որոնք մինչ այս պահը ոչնչացվել են Ադրբեջանի կողմից.
«Ադրբեջանն Արցախում սկսեց կիրառել դեռևս 1920-ականներին որդեգրած քաղաքականությունը՝ տարածքի ազատումը հայկական հետքից։ Այս պահին Բաքուն փորձում է ջնջել Արցախը հայկականությունից, և, միգուցե, դրանով փակել հայրենիք գաղափարի խնդիրը։ Ավերվել են Շուշիի 19-րդ դարի Հովհաննես Մկրտչի եկեղեցին՝ Կանաչ ժամը, Բերձորի Սուրբ Համբարձման և Մեխակավանի Զորավոր Աստվածածին եկեղեցիները։ Բայց սրանով կանգ չի առել Ադրբեջանը՝ ավերելով մի շարք բնակավայրեր և գերեզմանատներ»,- մանրամասնեց Հայրապետյանը։
Համաժողովը կազմակերպվել է ի պատասխան ՄԱԿ-ի որոշման՝ արտոնել Ադրբեջանին հյուրընկալելու COP29-ը՝ չնայած Արցախի ժողովրդի նկատմամբ ագրեսիայի հետ կապված անհանգստություններին, ինչպես նաև ավտորիտար քաղաքականությանը և հայատյացությանը։
Մանրամասները՝ տեսանյութում։
